ന്യ യോർക്ക്: ബുഡാപെസ്റ്റ് ഉച്ചകോടിയിൽ യുക്രെയ്ൻ യുദ്ധം ചർച്ച ചെയ്യാൻ ഡൊണാൾഡ് ട്രംപും വ്‌ളാഡിമിർ പുടിനും. റഷ്യയുടെ യുക്രെയൻ അധിനിവേശം അവസാനിപ്പിക്കുന്നതിന്റെ സാധ്യതകളെക്കുറിച്ച് ഇരുവരും നേരിട്ടു സംസാരിച്ചു തീരുമാനമെടുക്കും. ട്രംപ് തന്റെ സോഷ്യൽ മീഡിയ പ്ലാറ്റ്ഫോം ട്രൂത്ത് സോഷ്യലിൽ പ്രസിദ്ധീകരിച്ച പോസ്റ്റിലാണ് , ഹംഗറിയിലെ ട്രംപ് തന്റെ സോഷ്യൽ മീഡിയ പ്ലാറ്റ്ഫോം ട്രൂത്ത് സോഷ്യലിൽ പ്രസിദ്ധീകരിച്ച പോസ്റ്റിൽ, ഹംഗറിയിലെ ബുഡാപെസ്റ്റില്‍ ഒരുമിച്ച് യുക്രെയ്ൻ-റഷ്യ യുദ്ധം അവസാനിപ്പിക്കാൻ ശ്രമിക്കുമെന്ന് പ്രഖ്യാപിച്ചത്.
ഡൊണാൾഡ് ട്രംപ് അമേരിക്കൻ പ്രസിഡന്റ് സ്ഥാനത്തേക്ക് തിരിച്ചെത്തിയതിനുശേഷം നടക്കുന്ന രണ്ടാമത്തെ ഉച്ചകോടിയായിരിക്കും ഇത്.
ഓഗസ്റ്റിൽ ഇരുവരും തമ്മിൽ അലാസ്കയിൽ നടത്തിയ കൂടിക്കാഴ്ച കരാറിൽ എത്തുന്നതിൽ പരാജയപ്പെട്ടിരുന്നു. കൂടാതെ വിട്ടുവീഴ്ചകൾ ഒന്നും ചെയ്യാതെ മാസങ്ങളായി ഉക്രെയ്നിനെതിരെ ആക്രമണം ശക്തമാക്കിയ പുടിന്റെ നയതന്ത്ര വിജയമായി ഇത് വ്യാപകമായി കണക്കാക്കപ്പെടുകയും ചെയ്തിരുന്നു.
അതേസമയം, ഇന്ന് വെള്ളിയാഴ്ച , ട്രംപുമായുള്ള ചർച്ചകൾക്കായി യുക്രേനിയൻ പ്രസിഡന്റ് വോളോഡിമർ സെലെൻസ്‌കി വൈറ്റ് ഹൗസ് സന്ദർശിക്കും. റഷ്യൻ, യുക്രേനിയൻ പ്രസിഡന്റുമാർ തമ്മിലുള്ള ഒരു കൂടിക്കാഴ്ചയെക്കുറിച്ചും ട്രംപിന്റെ പോസ്റ്റിൽ പരാമർശിച്ചിട്ടില്ല, അത് ചർച്ചകളുടെ അടുത്ത ഘട്ടമായി നിശ്ചയിച്ചിരുന്നു.
