ഓസ്ട്രേലിയക്കെതിരായ ടി20 പരമ്പരയ്ക്കായി ബാബർ അസവും ഷാഹീൻ അഫ്രീദിയും പാകിസ്ഥാന്റെ ടി20 ടീമിലേക്ക് തിരിച്ചെത്തി. ഇന്ത്യയും ശ്രീലങ്കയും സംയുക്തമായി വേദിയാകുന്ന ടി20 ലോകകപ്പിന് മുമ്പുള്ള അവസാന അന്താരാഷ്ട്ര തയ്യാറെടുപ്പായിരിക്കും ഈ പരമ്പര.
മുന്പ് ശ്രീലങ്കയ്ക്കെതിരായ പരമ്പരയില് ബാബർ, ഷാഹീൻ, മുഹമ്മദ് റിസ്വാൻ, ഹാരിസ് റൗഫ് എന്നിവരെ ടീമില് ഉള്പ്പെടുത്തിയിരുന്നില്ല. എങ്കിലും ഇവർ എല്ലാവരും ബിഗ് ബാഷ് ലീഗിൽ പങ്കെടുത്തു. റൗഫ് മികച്ച പ്രകടനം കാഴ്ചവെച്ചപ്പോള് ബാബർ, റിസ്വാൻ, ഷാഹീൻ എന്നിവര് ആദ്യ സീസണില് ബുദ്ധിമുട്ടി; പരിക്ക് കാരണം ഷാഹീൻ നേരത്തെ മടങ്ങുകയും ചെയ്തു.
പാകിസ്ഥാൻ ലോകകപ്പിനായുള്ള സ്ക്വാഡ് ഔദ്യോഗികമായി പ്രഖ്യാപിച്ച ആദ്യ ടീമുകളിൽ ഒന്നാണ്. ബാബറും ഷാഹീനും തിരിച്ചെത്തിയെങ്കിലും, ഓസ്ട്രേലിയയ്ക്കെതിരായ മൂന്ന് ടി20 മത്സരങ്ങൾക്ക് റിസ്വാനും റൗഫും ടീമില് ഇടംനേടാതിരുന്നതോടെ അന്തിമ 15 അംഗ ലോകകപ്പ് ടീമിലേക്കുള്ള അവരുടെ സാധ്യത കുറവാണെന്നാണ് വിലയിരുത്തൽ.
സല്മാന് അലി അഘയുടെ നേതൃത്വത്തിലുള്ള ടീമില് ഷദാബ് ഖാനും സ്ഥാനം നിലനിര്ത്തി. ഈ മാസം തുടക്കത്തില് അരങ്ങേറ്റത്തില് ശ്രദ്ധേയനായ ഖവാജ മുഹമ്മദ് നഫായ് ടീമിലുണ്ട്; ആദ്യ തെരഞ്ഞെടുപ്പിലെ വിക്കറ്റ് കീപ്പറാകാന് അദ്ദേഹത്തിന് സാധ്യതയുണ്ട്.
ജനുവരി 29, 31, ഫെബ്രുവരി 1 തീയതികളിലാണ് മത്സരങ്ങൾ. ലാഹോറിലെ ഗദ്ദാഫി സ്റ്റേഡിയത്തിലാണ് മൂന്ന് ടി20 മത്സരങ്ങളും നടക്കുക.
ടീം: സല്മാന് അലി അഘ (ക്യാപ്റ്റന്), അബ്രാര് അഹമ്മദ്, ബാബര് അസം, ഫഹീം അഷ്റഫ്, ഫഖര് സമാന്, ഖവാജ മുഹമ്മദ് നഫായ് (വിക്കറ്റ് കീപ്പര്), മുഹമ്മദ് നവാസ്, മുഹമ്മദ് സല്മാന് മിര്സ, മുഹമ്മദ് വസീം ജൂനിയര്, നസീം ഷാ, സാഹിബ്സാദ ഫര്ഹാന് (വിക്കറ്റ് കീപ്പര്), സൈം അയൂബ്, ഷാഹീന് ഷാ അഫ്രീദി, ഷദാബ് ഖാന്, ഉസ്മാന് ഖാന് (വിക്കറ്റ് കീപ്പര്), ഉസ്മാന് താരിഖ്.
