ന്യൂഡല്ഹി: ഡല്ഹി, ലഡാക്ക്, തെലങ്കാന, മഹാരാഷ്ട്ര, ബിഹാര് പശ്ചിമബംഗാള്, തമിഴ്നാട്, ഹിമാചല് പ്രദേശ്, നാഗാലാന്ഡ് സംസ്ഥാനങ്ങളിലെ ഗവര്ണര്മാരെ മാറ്റി. ഡല്ഹി ഗവര്ണര് വിനയ് കുമാര് സക്സേനയെ ലഡാക്കിലേക്കും ലഡാക്ക് ലഫ്. ഗവര്ണര് കവിന്ദര് ഗുപ്ത ഹിമാചല് പ്രദേശിലേക്കും മാറ്റി. യുഎസിലെ മുന് ഇന്ത്യന് അംബാസിഡര് തരണ്ജിത് സിംഗ് സന്ധുവാകും ഡല്ഹി ലെഫ്റ്റനന്റ് ഗവര്ണര്. ഹിമാചല് പ്രദേശ് ഗവര്ണര് ശിവ് പ്രസാദ് ശുക്ലയെ തെലങ്കാനയിലേക്കാണ് മാറ്റിയത്. തെലങ്കാന ഗവര്ണര് ജിഷ്ണു ദേവ് വര്മ മഹാരാഷ്ട്ര ഗവര്ണറാകും. നന്ദ് കിഷോര് യാദവ് നാഗാലാന്ഡ് ഗവര്ണറാകുമ്പോൾ റിട്ടയേര്ഡ് ലഫ്. ജനറല് സയ്യിദ് അറ്റ ഹസ്നൈന് ബിഹാര് ഗവര്ണറാകും. ബിഹാര് ഗവര്ണര് ആരിഫ് മുഹമ്മദ് ഖാനെ സ്ഥാനത്ത് നിന്നും മാറ്റി. തമിഴ്നാട് ഗവര്ണര് ടി എന് രവിയെ പശ്ചിമ ബംഗാളിലേക്ക് മാറ്റി. നിലവിലെ ഗവര്ണര് സി വി ആനന്ദ ബോസ് രാജിവെച്ച സാഹചര്യത്തിലാണ് ടി എന് രവിയെ കേന്ദ്രം നിയോഗിച്ചത്. കേരള ഗവര്ണര് രാജേന്ദ്ര വിശ്വനാഥ് അര്ലേക്കര്ക്ക് തമിഴ്നാടിന്റെ ചുമതല കൂടി നല്കി.