2024-ൽ മെൽബണിൽ പ്രീമിയർ പ്രദർശനം നടത്തി ശ്രദ്ധ നേടിയ മലയാളം ഹ്രസ്വചിത്രം ‘UNSAID: A Second Chance’ നിരവധി പുരസ്കാരങ്ങളും അന്താരാഷ്ട്ര ചലച്ചിത്രമേളകളിലെ അംഗീകാരങ്ങളും സ്വന്തമാക്കിയശേഷം ഇപ്പോൾ സൈന പ്ലേയിലൂടെ ലോകമെമ്പാടുമുള്ള പ്രേക്ഷകരിലേക്ക് എത്തുന്നു. ഓസ്‌ട്രേലിയയിൽ പൂർണമായും നിർമ്മിച്ച ഈ ചിത്രം, സിനിമയോടുള്ള അഭിനിവേശവും സർഗാത്മകതയും കൈമുതലാക്കിയ പ്രൊഫഷണൽ സിനിമാപ്രവർത്തകരല്ലാത്ത ഒരു കൂട്ടം മലയാളികളുടെ കൂട്ടായ പരിശ്രമത്തിന്റെ ഫലമാണ്. മികച്ച സംവിധായകൻ, മികച്ച തിരക്കഥ, മികച്ച നടൻ, മികച്ച നടി, മികച്ച ശബ്ദരൂപകൽപ്പന, മികച്ച പ്രൊഡക്ഷൻ ഡിസൈൻ തുടങ്ങി വിവിധ വിഭാഗങ്ങളിലെ പുരസ്കാരങ്ങളും അംഗീകാരങ്ങളും ചിത്രത്തിന് ലഭിച്ചിട്ടുണ്ട്.
ചിത്രത്തിന് അംഗീകാരം നൽകിയ ചലച്ചിത്രമേളകളിൽ Picasso International Film Festival, Global India International Film Festival, Budapest Short Cut Film Festival, Eastern Europe Film Festival, Cinematic European Film Festival, National Indian Film Festival of Australia, Goa Short Film Festival, Pune Short Film Festival, Kerala Short Film Festival, SydneyFest Independent Film Festival, New York Liff-Off Film Festival, Paradise Film Festival, Athens Festival Film, Filmmaker Sessions: Shorts – New Voices, First-Time Sessions എന്നിവയും ഉൾപ്പെടുന്നു. പോൾ വിമൽ സംവിധാനം ചെയ്ത ചിത്രത്തിന്റെ കഥയും തിരക്കഥയും ഒരുക്കിയത് ജിയ ജോർജ് ആണ്.മുഖ്യവേഷങ്ങളിൽ അഭിനയിച്ചത് നിഖിത പോൾ, ഗോകുൽ കെ റ്റി എന്നിവർ ആണ്.അഭിനിവേശവും കൂട്ടായ പരിശ്രമവും കൊണ്ട് ഓസ്‌ട്രേലിയയിൽ സൃഷ്ടിച്ച ഒരു മലയാളം ഹ്രസ്വചിത്രം അന്താരാഷ്ട്ര വേദികളിൽ ശ്രദ്ധ നേടുകയും ഇപ്പോൾ ആഗോള ഡിജിറ്റൽ റിലീസിലേക്ക് കടക്കുകയും ചെയ്യുന്നു എന്നത് ഈ ടീമിന് അഭിമാനകരമായ നേട്ടമാണ്. 2024-ലെ പ്രീമിയർ പ്രദർശനത്തിൽ തുടങ്ങി ചലച്ചിത്രമേളകളിലൂടെയും പുരസ്കാരങ്ങളിലൂടെയും മുന്നേറിയ ഈ യാത്രയ്ക്ക് ഇപ്പോൾ പുതിയൊരു അധ്യായം. ‘UNSAID: A Second Chance’ ഇപ്പോൾ സൈന പ്ലേയിൽ കാണാൻ ഇവിടെ ക്ലിക്ക് ചെയ്യുക.