മെൽബൺ: ഓസ്ട്രേലിയയിൽ ജനിച്ച 12 വയസ്സുള്ള ആൺകുട്ടിക്ക് രാജ്യത്ത് തുടരാനുള്ള അനുമതി. എന്നാൽ അവന്റെ മാതാപിതാക്കളോട് നവംബറോടെ രാജ്യം വിടാനാണ് നിർദ്ദേശം. മെൽബണിലെ പടിഞ്ഞാറൻ വിന്ദാം വെയ്‌ലിൽ നിന്നുള്ള ഏഴാം ക്ലാസ് വിദ്യാർത്ഥിയായ അഭിജോത് സിംഗ് ഒരു ഓസ്‌ട്രേലിയൻ പൗരനാണ്. അദ്ദേഹത്തിന്റെ മാതാപിതാക്കളായ അമൻദീപും സ്റ്റീവ്നും 2009 ൽ ഇന്ത്യയിൽ നിന്ന് കുടിയേറി 16 വർഷമായി ഓസ്‌ട്രേലിയയിലാണ് താമസിക്കുന്നത്. പന്ത്രണ്ടു വയസ്സുകാരനായ അഭിജോത് സിംഗ് പ്രൊഫഷണൽ ക്രിക്കറ്റ് കളിക്കുക എന്നതാണ് സ്വപനം. മെൽബണിലെ തന്റെ വീടിന് പുറത്തുള്ള തെരുവിൽ ഫാസ്റ്റ് ബൗളിംഗ് പരിശീലിക്കാൻ ലഭിക്കുന്ന എല്ലാ അവസരങ്ങളും അവൻ കളയാറില്ല. പക്ഷേ, ഇപ്പോൾ 16 വർഷമായി ഇവിടെ താമസിക്കുന്ന അഭിജോത് സിംഗിൻ്റെ മാതാപിതാക്കളെ ഇന്ത്യയിലേക്ക് നാടുകടത്താനാണ് ഫെഡറൽ ഗവൺമെന്റിന്റെ തീരുമാനം. അഭിജോതിന് മുന്നിൽ രണ്ട് വഴികളാണ്. ഒന്ന് ഓസ്ട്രേലിയയിൽ ഒറ്റയ്ക്ക് നിൽക്കുക അല്ലെങ്കിൽ മാതാപിതാക്കളോടൊപ്പം പോവുക.
അതേസമയം 2009 ൽ ഓസ്ട്രേലിയയിൽ എത്തിയ അഭിജോതിന്റെ മാതാപിതാക്കളായ അമൻദീപും സ്റ്റീവനും മെൽബണിന്റെ പടിഞ്ഞാറുള്ള വിന്ദാം വേലിൽ സ്ഥിരതാമസമാക്കുകയായിരുന്നു. ആ കാലയളവിൽ, അവർ ബ്രിഡ്ജിംഗ് വിസയിൽ സ്ഥിര താമസത്തിനായി അപേക്ഷിച്ച് കാത്തിരിക്കുകയായിരുന്നു. എന്നാൽ ഇപ്പോൾ അവർക്ക് സ്ഥിര താമസം അനുവദിക്കില്ലെന്നും നവംബറോടെ അവർ പോകണമെന്നും അറിയിച്ചിട്ടുണ്ട്. അഭിഹജോത് ഇവിടെ ജനിച്ചതിനാലും ഓസ്‌ട്രേലിയൻ പൗരനായതിനാലും അദ്ദേഹത്തിന് സാങ്കേതികമായി ഇവിടെ താമസിക്കാൻ അനുവാദമുണ്ട്.
"ഞങ്ങളെ കൂടാതെ അവൻ ഒരിക്കലും ജീവിച്ചിട്ടില്ല," വിമാനത്താവള സുരക്ഷാ വിഭാഗത്തിൽ ജോലി ചെയ്യുന്ന അമ്മ അമൻദീപ് പറഞ്ഞു. "ഞങ്ങൾ രണ്ടുപേരും മുഴുവൻ സമയ ജോലി ചെയ്യുന്നു, നികുതി അടയ്ക്കുന്നു, ഞങ്ങൾ ഒരു കുറ്റകൃത്യവും ചെയ്തിട്ടില്ല." വർഷങ്ങളോളം ട്രൈബ്യൂണലുകൾ വഴി സ്ഥിര താമസത്തിനായി ശ്രമിച്ചിട്ടും ഫലമുണ്ടായില്ല, എന്നാൽ കുടുംബം തങ്ങളുടെ പോരാട്ടം ഇമിഗ്രേഷൻ മന്ത്രിയുടെ അടുത്തേക്ക് കൊണ്ടുപോയി, അദ്ദേഹത്തിന് ഇടപെടാൻ അധികാരമുണ്ടെന്ന് കുടുംബം വിശ്വസിക്കുന്നു.
എന്നാൽ സിങ് ദമ്പതികളുടെ കേസ് പരിഗണിക്കുന്നതിനായി ഇമിഗ്രേഷൻ മന്ത്രി ടോണി ബർക്ക്, അസിസ്റ്റന്റ് ഇമിഗ്രേഷൻ മന്ത്രി മാറ്റ് തിസ്റ്റ്ലെത്ത്വൈറ്റ് എന്നിവർക്കായി ആഭ്യന്തര വകുപ്പ് തയ്യാറാക്കിയ ഒരു രഹസ്യ സർക്കാർ ബ്രീഫിംഗ് ഉണ്ട്. കുടുംബത്തിന് താമസിക്കാൻ അനുവദിക്കുന്നതിന് സർക്കാർ സ്വീകരിക്കാവുന്ന വിവിധ മാർഗങ്ങൾ ഈ രേഖ നൽകുന്നത്. എന്നാൽ കേസ് നോക്കിയ അസിസ്റ്റന്റ് ഇമിഗ്രേഷൻ മന്ത്രി മാറ്റ് തിസ്റ്റ്ലെത്ത്വൈറ്റ്, നീണ്ട ബ്രീഫ് വായിക്കാൻ "25 മിനിറ്റ്" ചെലവഴിച്ചുവെന്നും തുടർന്ന് കേസിൽ ഇടപെടേണ്ടതില്ലെന്ന് തീരുമാനിച്ചതായും സൂചിപ്പിച്ചു. "അദ്ദേഹം ഒരു കാരണവും പറഞ്ഞില്ല," എന്ന് അമൻദീപ് പറഞ്ഞു.
മന്ത്രി പറഞ്ഞത് ഇടപെടാൻ പറ്റില്ല എന്നാണ്, അത്രമാത്രം." പതിറ്റാണ്ടുകൾ നീണ്ട തന്റെ കരിയറിൽ ഇതുപോലൊരു തീരുമാനം കണ്ടിട്ടില്ലെന്ന് കുടുംബത്തിന്റെ അഭിഭാഷകനും മുൻ ഇമിഗ്രേഷൻ ട്രൈബ്യൂണൽ അംഗവുമായ ജോസഫ് ഇറ്റാലിയാനോ പ്രതികരിച്ചു. അതേസമയം വിദേശ മാതാപിതാക്കൾക്ക് ഓസ്ട്രേലിയയിൽ ജനിക്കുന്ന കുട്ടികൾക്ക്, അവരുടെ മാതാപിതാക്കളുടെ വിസ സ്റ്റാറ്റസുകൾ പരിഗണിക്കാതെ, 10 വയസ്സിൽ ഓസ്‌ട്രേലിയൻ പൗരത്വം ലഭിക്കുമെന്ന് ഇറ്റാലിയാനോ പറഞ്ഞു. ഈ ആൺകുട്ടിയെ അവന്റെ പത്താം പിറന്നാളിന് ഓസ്‌ട്രേലിയനാക്കി, പന്ത്രണ്ടാം പിറന്നാളിന് അവനോട് രാജ്യം വിടാൻ ആവശ്യപ്പെടുന്നു, എന്ന് ഇറ്റാലിയാനോ പറഞ്ഞു. സിംഗുകളെ നാടുകടത്താനുള്ള തീരുമാനത്തിന് ശേഷം പ്രാബല്യത്തിൽ വന്ന കുടിയേറ്റ മന്ത്രിയുടെ പുതിയ മാർഗ്ഗനിർദ്ദേശങ്ങളുമായി ഈ തീരുമാനം വിരുദ്ധമാണെന്ന് തോന്നുന്നു. "മന്ത്രിസഭാ ഇടപെടലിനുള്ള അഭ്യർത്ഥന നടത്തിയ സമയത്ത് പ്രായപൂർത്തിയാകാത്ത ഒരു ഓസ്‌ട്രേലിയൻ പൗരന്റെയോ സ്ഥിര താമസക്കാരന്റെയോ കുട്ടിയുടെ മാതാപിതാക്കളാണെന്ന് വ്യക്തി തെളിവ് നൽകിയിട്ടുണ്ടെങ്കിൽ" കുടിയേറ്റ കാര്യങ്ങളിൽ മന്ത്രി ഇടപെടൽ നടത്താനുള്ള അഭ്യർത്ഥനകൾ "മന്ത്രിയുടെ ശ്രദ്ധയിൽപ്പെടുത്തണമെന്ന്" മാർഗ്ഗനിർദ്ദേശങ്ങൾ പറയുന്നു. ഫെഡറൽ ഗവൺമെന്റ് ഒപ്പുവച്ച അന്താരാഷ്ട്ര കൺവെൻഷനുകളിലും മൂക്ക് പൊത്തിപ്പിടിച്ചിരിക്കുകയാണെന്ന് ഇറ്റാലിയാനോ കുറ്റപ്പെടുത്തി.