ക്വീൻസ്‌ലൻഡിൽ വീട് വാങ്ങാൻ സർക്കാർ സഹായം; 'ബൂസ്റ്റ് ടു ബൈ' രണ്ടാം ഘട്ടം ആരംഭിച്ചു

ബ്രിസ്‌ബേൻ: ക്വീൻസ്‌ലൻഡിൽ സ്വന്തമായി ആദ്യ വീട് വാങ്ങാൻ ആഗ്രഹിക്കുന്നവർക്കായി സംസ്ഥാന സർക്കാർ നടപ്പിലാക്കുന്ന 'ബൂസ്റ്റ് ടു ബൈ' (Boost to Buy) പദ്ധതിയുടെ രണ്ടാം ഘട്ടത്തിലേക്ക് അപേക്ഷകൾ ക്ഷണിച്ചു. ബ്രസ്‌ബേൻ ഉൾപ്പെടെയുള്ള നഗരങ്ങളിൽ വീട് വില കുതിച്ചുയരുകയും മെൽബൺ, സിഡ്‌നി എന്നിവിടങ്ങളിൽ നിന്ന് ആളുകൾ കൂട്ടത്തോടെ ക്വീൻസ്‌ലൻഡിലേക്ക് മാറുകയും ചെയ്യുന്ന സാഹചര്യത്തിലാണ് ഈ പദ്ധതിക്ക് വലിയ സ്വീകാര്യത ലഭിക്കുന്നത്.

പദ്ധതിയുടെ പ്രത്യേകതകൾ:

കുറഞ്ഞ നിക്ഷേപം: വെറും 2 ശതമാനം മുൻകൂർ തുക (Deposit) നൽകി വീട് വാങ്ങാൻ സാധിക്കും.

സർക്കാർ പങ്കാളിത്തം: പുതിയ വീടുകൾക്ക് 30 ശതമാനം വരെയും നിലവിലുള്ള വീടുകൾക്ക് 25 ശതമാനം വരെയും സർക്കാർ ഇക്വിറ്റി വിഹിതം നൽകും.

വില പരിധി: 10 ലക്ഷം ഡോളർ (1 Million) വരെ വിലയുള്ള വീടുകൾ വാങ്ങാൻ ഈ സഹായം ലഭിക്കും.

അർഹത മാനദണ്ഡങ്ങൾ:

ഓസ്‌ട്രേലിയൻ പൗരന്മാരോ പെർമനന്റ് റെസിഡന്റുകളോ ആയിരിക്കണം.

വാർഷിക വരുമാനം വ്യക്തികൾക്ക് 1,50,000 ഡോളറിലും ദമ്പതികൾക്ക് 2,25,000 ഡോളറിലും താഴെയായിരിക്കണം.

വാങ്ങുന്ന വീട്ടിൽ താമസിക്കാൻ താല്പര്യമുള്ളവരായിരിക്കണം.

സംസ്ഥാനത്തെ വീട് വിലയിൽ കഴിഞ്ഞ ഒരു വർഷത്തിനിടെ 14.1 ശതമാനം വർദ്ധനവുണ്ടായതായി പ്രോപ്ട്രാക്ക് (PropTrack) സൂചിപ്പിക്കുന്നു. ബ്രിസ്‌ബേനിൽ മാത്രം 17.7 ശതമാനമാണ് വർദ്ധനവ്. മോറേഫീൽഡ്, സ്പ്രിംഗ്ഫീൽഡ്, റിപ്ലി തുടങ്ങിയ സബർബുകളിലും ഗോൾഡ് കോസ്റ്റ്, സൺഷൈൻ കോസ്റ്റ് എന്നിവിടങ്ങളിലും വീട് കണ്ടെത്തുക എന്നത് നിലവിൽ വലിയ വെല്ലുവിളിയാണ്. വീടുകൾ വിപണിയിലെത്തി 48 മണിക്കൂറിനുള്ളിൽ തന്നെ വിറ്റുപ്പോകുന്ന അവസ്ഥയാണുള്ളതെന്ന് വിപണി വിദഗ്ധർ ചൂണ്ടിക്കാട്ടുന്നു. 500 പേർക്ക് മാത്രമാണ് ഈ ഘട്ടത്തിൽ അവസരം ലഭിക്കുക എന്നതിനാൽ താല്പര്യമുള്ളവർ വേഗത്തിൽ അപേക്ഷിക്കാൻ അധികൃതർ നിർദ്ദേശിക്കുന്നു.

English Metadata

English URL: https://www.globalnewsnetwork.in/realestate/2026-04-11/queensland-boost-to-buy-round-two-first-home-buyers/10483

English Meta Title: Queensland Boost to Buy Scheme Returns for First-Home Buyers

English Meta Description (141 characters): Queensland launches second round of Boost to Buy program as Brisbane house prices surge 17.7%. Scheme offers 2% deposits for 500 applicants.