നോർത്തേൺ ടെറിട്ടറി എം.എൽ.എയും ഗ്രീൻസ് നേതാവുമായ കാറ്റ് മക്നമാര ആരോഗ്യപരമായ കാരണങ്ങളാൽ രാജിവെച്ചതിനെത്തുടർന്ന് നൈറ്റ്ക്ലിഫ് (Nightcliff) മണ്ഡലത്തിൽ മാർച്ച് 7-ന് ഉപതിരഞ്ഞെടുപ്പ് നടക്കും. 2024-ലെ തിരഞ്ഞെടുപ്പിൽ ലേബർ പാർട്ടിയുടെ സുരക്ഷിത സീറ്റായിരുന്ന നൈറ്റ്ക്ലിഫിൽ 36 വോട്ടുകൾക്ക് വിജയിച്ചുകൊണ്ടാണ് കാറ്റ് മക്നമാര ചരിത്രം കുറിച്ചത്
ഗ്രീൻസ് പാർട്ടിക്കു വേണ്ടി സൂകി ഡൊറാസ്-വാക്കർ (Suki Dorras-Walker) മത്സരരംഗത്തിറങ്ങുമ്പോൾ, ഡാർവിൻ കൗൺസിലർ എഡ് സ്മെൽറ്റിനെയാണ് (Ed Smelt) ലേബർ പാർട്ടി സ്ഥാനാർത്ഥിയായി പ്രഖ്യാപിച്ചിരിക്കുന്നത്. പരിസ്ഥിതി സംരക്ഷണം, ജീവിതച്ചെലവ് കുറയ്ക്കൽ, ലഹരിവിരുദ്ധ പ്രവർത്തനങ്ങൾ എന്നിവയാണ് പ്രധാന തിരഞ്ഞെടുപ്പ് വിഷയങ്ങൾ. ഭരണകക്ഷിയായ സി.എൽ.പി (CLP) തങ്ങളുടെ സ്ഥാനാർത്ഥിയെ ഉടൻ പ്രഖ്യാപിക്കുമെന്നാണ് കരുതുന്നത്
