സിഡ്നി: സിഡ്നിയിലെ സംഗീതപ്രേമികൾക്കും മലയാളി പ്രവാസികൾക്കുമായി ഒരുക്കുന്ന തത്സമയ വാദ്യസംഗീത വിരുന്ന് 'ഹൃദയഗീതങ്ങൾ' (Hridaya Geethangal) ഇന്ന് അരങ്ങേറും. വയലിൻ, തബല തുടങ്ങിയ ക്ലാസിക്കൽ-പരമ്പരാഗത സംഗീതോപകരണങ്ങളുടെ അകമ്പടിയോടെ, ഹൃദയഹാരിയായ മെലഡികളും ജനപ്രിയ ഗാനങ്ങളും കോർത്തിണക്കിയാണ് ഈ പ്രീമിയം ഇൻസ്ട്രുമെന്റൽ പ്രൊഡക്ഷൻ വേദിയിലെത്തുന്നത്. പ്രവാസി സമൂഹത്തിലെ പ്രാദേശിക പ്രതിഭകളെ ഒരുമിപ്പിക്കാനും ഓർമ്മിക്കത്തക്ക മികച്ചൊരു സാംസ്കാരിക അനുഭവം സമ്മാനിക്കാനുമാണ് ഈ പരിപാടിയിലൂടെ സംഘാടകർ ലക്ഷ്യമിടുന്നത്.
സെന്റ് മേരീസ് മെമ്മോറിയൽ ഹാൾ കമ്മ്യൂണിറ്റി കോംപ്ലക്സിൽ (St Marys Memorial Hall Community) വെച്ചാണ് നടക്കുന്നത്. ഇന്ന് വൈകുന്നേരം കൃത്യം 6:00 മണിക്ക് പരിപാടികൾ ആരംഭിക്കും. പ്രവീൺ റെഡ്ഡി പ്രോപ്പർട്ടി, മാക്സ് ഫിനാൻഷ്യൽ, ടിബിജി, ലൈവ് എവി പ്രൊഡക്ഷൻ, ഫുഡ് ഓൺ കാർട്ട് തുടങ്ങിയ പ്രമുഖ ബിസിനസ്സ് സംരംഭങ്ങളുടെ സഹകരണത്തോടെയാണ് ഈ പരിപാടി സംഘടിപ്പിച്ചിരിക്കുന്നത്. സീറ്റുകൾക്കും കൂടുതൽ വിവരങ്ങൾക്കുമായി കിരൺ : 0435 727 693, അനൂപ്: 0469 923 815, ലിജു : 0423 281 411 എന്നിവരുമായി ബന്ധപ്പെടാവുന്നതാണ്.
