അഡ്ലെയ്ഡ്: ക്വലാലംപൂർ -അഡലെയ്ഡ് റൂട്ടിൽ പ്രതിദിന വിമാനസർവീസ് പ്രഖ്യപിച്ച് മലേഷ്യ എയർലൈൻസ്2026 ഫെബ്രുവരി 2 മുതൽ ക്വലാലംപൂർ- അഡ്ലെയ്ഡ് റൂട്ടിൽ നിലവിലെ ആഴ്ചയിൽ അഞ്ച് ഫ്ലൈറ്റ് സർവീസ് എന്നത് പ്രതിദിന സർവീസുകളായി വർദ്ധിപ്പിക്കും.ഇത് ഇരുനഗരങ്ങൾക്കുമിടയിൽ പ്രതിവർഷം 60,000-ലധികം അധിക സീറ്റുകൾ സൃഷ്ടിക്കും.
2025 നവംബർ മുതൽ ഫ്ലൈറ്റുകൾ ആദ്യം ആഴ്ചയിൽ ആറായി വർദ്ധിപ്പിക്കും, തുടർന്ന് 2026 ഫെബ്രുവരിയിൽ പ്രതിദിന ഫ്ലൈറ്റുകളിലേക്ക് മാറും.
മലേഷ്യ എയർലൈൻ ഈ റൂട്ടിൽ 28 ലൈ-ഫ്ലാറ്റ് ബിസിനസ് ക്ലാസ് സീറ്റുകളും 269 ഇക്കോണമി ക്ലാസ് സീറ്റുകളും ഉൾപ്പെടെ, 24 എക്‌സ്ട്രാ ലെഗ്‌റൂം സീറ്റുകളോടുകൂടിയ പുതിയ എയർബസ് A330neo വിമാനം അവതരിപ്പിക്കും.
ബിസിനസ് ക്ലാസ് ക്യാബിനിൽ എയർലൈനിന്റെ ഏറ്റവും പുതിയ പ്രീമിയം സൗകര്യവും ഉൾപ്പെടുത്തിയിട്ടുണ്ട്. യാത്രക്കാർക്ക് , ഇതിൽ വ്യക്തിഗത ‘മിനി സ്യൂട്ട്’ സൃഷ്ടിക്കുന്നതിന് ഭിത്തികളും സ്വകാര്യതാ വാതിലുകളും ഉൾപ്പെടുന്നു.
നിലവിൽ മലേഷ്യ എയർലൈൻസിന്റെ ഫ്ലൈറ്റുകൾ ക്വലാലംപൂർ നിന്ന് 2225-ന് പുറപ്പെട്ട് അടുത്ത ദിവസം 0700-ന് അഡ്‌ലെയ്ഡിൽ എത്തുന്നു. തിരിച്ചുള്ള ഫ്ലൈറ്റുകൾ അഡ്‌ലെയ്ഡിൽ നിന്ന് 0950-ന് പുറപ്പെട്ട് 1600-ന് ക്വലാലംപൂർ എത്തുന്നു.
മലേഷ്യയിലേക്കും അതിനപ്പുറത്തേക്കും യാത്ര ചെയ്യുന്ന ദക്ഷിണ ഓസ്‌ട്രേലിയക്കാർക്കും, എയർലൈനിന്റെ വിപുലമായ റൂട്ട് നെറ്റ്‌വർക്ക് ഉപയോഗിച്ച് അഡ്‌ലെയ്ഡിലേക്ക് യാത്ര ചെയ്യുന്ന വിദേശ സന്ദർശകർക്കും ഇത് ഒരു സൗകര്യമാണെന്ന് അഡ്ലെയ്ഡ് എയർപോർട്ട് മാനേജിംഗ് ഡയറക്ടർ ബ്രെന്റൺ കോക്സ് പറഞ്ഞു.
ബിസിനസ്, വിനോദ യാത്രകൾക്ക് പുറമേ, മലേഷ്യയിൽ നിന്നും ഇന്ത്യ, ചൈന, നേപ്പാൾ, വിയറ്റ്നാം എന്നിവിടങ്ങളിൽ നിന്നുള്ള അന്താരാഷ്ട്ര വിദ്യാർത്ഥികൾക്ക് അഡ്‌ലെയ്ഡിൽ പഠിക്കാൻ ഈ സർവീസ് ജനപ്രിയമാണ്. കോക്സ് കൂട്ടിച്ചേർത്തു
