ടോക്കിയോ: ഓസ്‌ട്രേലിയയിലെ കൃത്രിമബുദ്ധി (AI), പുനരുപയോഗ ഊർജ്ജ മേഖലകളിലെ നിക്ഷേപ സാധ്യതകൾ ഏഷ്യൻ രാജ്യങ്ങൾക്ക് മുന്നിൽ അവതരിപ്പിക്കാൻ ഓസ്‌ട്രേലിയൻ ഫെഡറൽ ട്രഷറർ ജിം ചാൽമേഴ്സ് (Jim Chalmers) ടോക്കിയോയിലേക്ക്. ഇതിന്റെ ഭാഗമായി ജപ്പാനിലെ പ്രമുഖ വ്യവസായികളുമായും നിക്ഷേപകരുമായും അദ്ദേഹം റൗണ്ട് ടേബിൾ ചർച്ചകൾ നടത്തും.
ജപ്പാനിലെ ഏറ്റവും വലിയ കമ്പനികളുടെ പ്രതിനിധികളും സി.ഇ.ഒമാരും അടങ്ങുന്ന അപൂർവ്വ സമ്മേളനത്തിലാണ് ജിം ചാൽമേഴ്സ് പങ്കെടുക്കുന്നത്. എഐ അധിഷ്ഠിത സാങ്കേതികവിദ്യകൾ, ഹരിത ഊർജ്ജ പദ്ധതികൾ, ഓസ്‌ട്രേലിയയുടെ 4.8 ട്രില്യൺ ഡോളറിന്റെ സൂപ്പർആനുവേഷൻ ഫണ്ട് സൗകര്യങ്ങൾ എന്നിവ കേന്ദ്രീകരിച്ചായിരിക്കും ചർച്ചകൾ. രാജ്യത്തിന്റെ ഉൽപ്പാദനക്ഷമത വർദ്ധിപ്പിക്കുന്നതിനും ആഗോള സാങ്കേതിക വിപണിയിൽ ഓസ്‌ട്രേലിയയെ മുൻനിരയിൽ എത്തിക്കുന്നതിനുമാണ് ഈ നീക്കത്തിലൂടെ സർക്കാർ ലക്ഷ്യമിടുന്നത്. ടോക്കിയോ സന്ദർശനത്തിന് ശേഷം ബാങ്കോക്കിൽ നടക്കുന്ന ജി20 സാമ്പത്തിക ഉച്ചകോടിയിലും, തുടർന്ന് ഹോങ്കോംഗിൽ നടക്കുന്ന അപക് (APEC) പ്രതിനിധി സമ്മേളനത്തിലും ജിം ചാൽമേഴ്സ് പങ്കെടുക്കും.