ഓസ്ട്രേലിയൻ ക്രിക്കറ്റിനെ പിടിച്ചുലച്ച 2018-ലെ പന്ത് ചുരണ്ടൽ വിവാദത്തിന് ശേഷം ആദ്യമായി ഓസീസ് ടീം ദക്ഷിണാഫ്രിക്കയിൽ ടെസ്റ്റ് പരമ്പരയ്ക്കെത്തുന്നു. അന്ന് വിവാദം നടന്ന കേപ് ടൗണിലെ ന്യൂലാൻഡ്സ് ഗ്രൗണ്ടിലും ഇത്തവണ മത്സരമുണ്ട്. 2018-ൽ കേപ് ടൗൺ ടെസ്റ്റിനിടെ സാൻഡ്പേപ്പർ ഉപയോഗിച്ച് പന്തിൽ കൃത്രിമം കാട്ടിയതിന് ക്യാപ്റ്റൻ സ്റ്റീവ് സ്മിത്ത്, ഡേവിഡ് വാർണർ എന്നിവർക്ക് ഒരു വർഷവും കാമറൂൺ ബാൻക്രോഫ്റ്റിന് ഒൻപത് മാസവും വിലക്ക് ലഭിച്ചിരുന്നു.
ഇത്തവണ ഏകദിന പരമ്പരയോടെയാണ് ഓസ്ട്രേലിയൻ പര്യടനം ആരംഭിക്കുന്നത്. സെപ്റ്റംബർ 24-ന് ഡർബനിലാണ് ആദ്യ ഏകദിനം. തുടർന്ന് ഒക്ടോബറിൽ മൂന്ന് മത്സരങ്ങളടങ്ങിയ ടെസ്റ്റ് പരമ്പര നടക്കും. വിരമിച്ച ഡേവിഡ് വാർണർ ഒഴികെ സ്റ്റീവ് സ്മിത്ത്, പാറ്റ് കമ്മിൻസ്, മിച്ചൽ സ്റ്റാർക്ക് തുടങ്ങിയ പ്രമുഖ താരങ്ങളെല്ലാം ഇത്തവണ ടീമിലുണ്ടാകും.
മത്സരക്രമം
ഏകദിന പരമ്പര
ആദ്യ ഏകദിനം: സെപ്റ്റംബർ 24 (ഡർബൻ)
രണ്ടാം ഏകദിനം: സെപ്റ്റംബർ 27 (ജോഹന്നാസ്ബർഗ്)
മൂന്നാം ഏകദിനം: സെപ്റ്റംബർ 30 (പോഷെഫ്സ്ട്രൂം)
ടെസ്റ്റ് പരമ്പര
ഒന്നാം ടെസ്റ്റ്: ഒക്ടോബർ 9 - 13 (ഡർബൻ)
രണ്ടാം ടെസ്റ്റ്: ഒക്ടോബർ 18 - 22 (ഗെബെഹ)
മൂന്നാം ടെസ്റ്റ്: ഒക്ടോബർ 27 - 31 (കേപ് ടൗൺ)
