വെസ്റ്റേൺ ഓസ്ട്രേലിയ സർവകലാശാലയിൽ വൻ ഡാറ്റാ ചോർച്ച. ഈ സൈബർ അക്രമണത്തെത്തുടർന്ന് ആയിരക്കണക്കിന് സർവ്വകലാശാല ഉദ്യോഗസ്ഥരുടെയും വിദ്യാർത്ഥികളുടെ പാസ്‌വേഡുകൾ ചോർന്നു.
Read More: ടാസ്മാനിയയിൽ ഹൈഡ്രജൻ ബസ് പരീക്ഷണ ഓട്ടം
ശനിയാഴ്ച രാത്രി ആക്രമണം കണ്ടെത്തിയതിനുശേഷം സർവകലാശാല എല്ലാ അക്കൗണ്ടുകളും ബ്ലോക്ക് ചെയ്ത് പാസ്‌വേഡുകൾ മാറ്റി. ഐ.ടി. ടീം വാരാന്ത്യം മുഴുവൻ പ്രവർത്തിച്ച് അക്കൗണ്ടുകൾ പുനഃസ്ഥാപിച്ചു, ക്ലാസുകൾ സാധാരണ പോലെ തുടരുന്നു. ഹാക്ക് ചെയ്തവർ മറ്റു വിവരങ്ങൾ എടുത്തതിന് തെളിവുകൾ കണ്ടെത്തിയിട്ടില്ല.
ലംഘനം കണ്ടെത്തിയതിന് ശേഷം, വെസ്റ്റേൺ ഓസ്ട്രേലിയ സർവ്വകലാശാല ജീവനക്കാരെയും വിദ്യാർത്ഥികളെയും സിസ്റ്റത്തിൽ നിന്ന് ലോക്ക് ചെയ്യുകയും ആളുകളോട് അവരുടെ പാസ്‌വേഡുകൾ മാറ്റാൻ ആവശ്യപ്പെടുകയും ചെയ്തു.
Read Also: ഒരു വീട്ടിൽ 2 പൂച്ച മാത്രം, നിയന്ത്രണങ്ങൾ കൊണ്ടുവരാൻ വാഗിൻ ഷയർ
പാസ്‌വേഡുകൾ ഒഴികെയുള്ള മറ്റ് വിവരങ്ങൾ ആക്‌സസ് ചെയ്‌തതായി സൂചിപ്പിക്കുന്നതിന് തെളിവുകളില്ലെന്നും യൂണിവേഴ്സിറ്റി ഓഫ് വെസ്റ്റ് ഓസ്ട്രേലിയ ചീഫ് ഇൻഫർമേഷൻ ഓഫീസർ ഫിയോണ ബിഷപ്പ് പറഞ്ഞു. അന്വേഷണം തുടരുന്നതിനിടെ സർവകലാശാല സൈബർ സുരക്ഷാ നടപടികൾ ശക്തിപ്പെടുത്തുകയാണ്.