നാല് വർഷത്തോളം കോമയിലായിരുന്ന തായ് രാജകുമാരി അന്തരിച്ചു

തായ്‌ലൻഡിന്റെ രാജാവായ Maha Vajiralongkorn ന്റെ മൂത്ത മകളായ Princess Bajrakitiyabha (47) അന്തരിച്ചു. ഏകദേശം നാല് വർഷത്തോളം കോമയിൽ കഴിഞ്ഞ ശേഷമാണ് രാജകുമാരിയുടെ മരണം സ്ഥിരീകരിച്ചത്. 2022 ഡിസംബറിൽ നായകളെ പരിശീലിപ്പിക്കുന്നതിനിടെ ഹൃദയസംബന്ധമായ അസുഖത്തെ തുടർന്ന് അവശയായ രാജകുമാരിയെ ആശുപത്രിയിൽ പ്രവേശിപ്പിച്ചിരുന്നു. തുടർന്ന് അവർ കോമയിലാവുകയും തുടർച്ചയായി ചികിത്സയിൽ തുടരുകയും ചെയ്തു. അടുത്തിടെ ഒന്നിലധികം അവയവങ്ങളിൽ ഉണ്ടായ അണുബാധ, രക്തസമ്മർദത്തിലെ പ്രശ്നങ്ങൾ, ഹൃദയമിടിപ്പിലെ അസാധാരണതകൾ എന്നിവയെ തുടർന്ന് ആരോഗ്യനില കൂടുതൽ വഷളായതായി രാജകൊട്ടാരം അറിയിച്ചിരുന്നു.

നിയമരംഗത്തും നയതന്ത്ര മേഖലയിലും സജീവമായിരുന്ന രാജകുമാരി ഓസ്ട്രിയയിലെ തായ് അംബാസഡറായും ഐക്യരാഷ്ട്രസഭയുടെ ഗുഡ്‌വിൽ അംബാസഡറായും പ്രവർത്തിച്ചിട്ടുണ്ട്. വനിതാ തടവുകാരുടെ അവകാശങ്ങൾക്കായി നടത്തിയ പ്രവർത്തനങ്ങളും ശ്രദ്ധ നേടിയിരുന്നു. രാജകുടുംബത്തിലെ പ്രധാന അംഗങ്ങളിൽ ഒരാളായിരുന്ന ബജ്രകിതിയാഭയുടെ മരണം തായ് രാജവംശത്തിലെ പിന്തുടർച്ചാ ചർച്ചകൾക്ക് വീണ്ടും പ്രാധാന്യം നൽകുമെന്നാണ് വിലയിരുത്തൽ.