കോട്ടയം: കോട്ടയം പാതയിൽ ട്രെയിൻ ഗതാഗത നിയന്ത്രണം. കൊടൂരാറിനു കുറുകെയുള്ള റെയിൽപാലത്തിൽ ഗർഡറുകൾ മാറ്റുന്ന അറ്റകുറ്റപ്പണികൾ നടക്കുന്നതിനാലാണ് 20, 21 തീയതികളിൽ കോട്ടയം പാതയിൽ ട്രെയിൻ ഗതാഗത നിയന്ത്രണം ഏർപ്പെടുത്തിയത്
20ന് ആലപ്പുഴ വഴി തിരിച്ചുവിടുന്ന ട്രെയിനുകൾ
12624 തിരുവനന്തപുരം - ചെന്നൈ സൂപ്പർ ഫാസ്റ്റ് ആലപ്പുഴ, ചേർത്തല സ്റ്റേഷനുകളിൽ നിർത്തും.
തിരുവനന്തപുരം നോർത്ത്- ശ്രീ ഗംഗാനഗർ എക്സ്പ്രസ് 16312 ആലപ്പുഴയിൽ നിർത്തും.
16319 തിരുവനന്തപുരം നോർത്ത് - ബെംഗളൂരു ഹംസഫർ എക്സ്പ്രസ് ആലപ്പുഴയിൽ നിർത്തും.
22503 കന്യാകുമാരി - ദിബ്രുഗഡ് വിവേക് എക്സ്പ്രസ്– ആലപ്പുഴയിൽ നിർത്തും.
16343 തിരുവനന്തപുരം - മധുര അമൃത എക്സ്പ്രസ് – ഹരിപ്പാട്, അമ്പലപ്പുഴ, ആലപ്പുഴ, ചേർത്തല സ്റ്റേഷനുകളിൽ നിർത്തും
16347 തിരുവനന്തപുരം - മംഗളൂരു എക്സ്പ്രസ് – ഹരിപ്പാട്, അമ്പലപ്പുഴ, ആലപ്പുഴ,ചേർത്തല സ്റ്റേഷനുകളിൽ നിർത്തും
യാത്ര ഇടയ്ക്ക് അവസാനിപ്പിക്കുന്ന ട്രെയിനുകൾ
19നു ചെന്നൈയിൽ നിന്നു പുറപ്പെടുന്ന 12695 ചെന്നൈ - തിരുവനന്തപുരം സൂപ്പർഫാസ്റ്റ് കോട്ടയത്തു യാത്ര അവസാനിപ്പിക്കും. മടക്ക ട്രെയിൻ തിരുവനന്തപുരം - ചെന്നൈ സൂപ്പർഫാസ്റ്റ് (12696) 20നു രാത്രി 8.05നു കോട്ടയത്തു നിന്നാകും പുറപ്പെടുക.
20നു 16327 മധുര - ഗുരുവായൂർ എക്സ്പ്രസ് കൊല്ലത്തു യാത്ര അവസാനിപ്പിക്കും.
കൊല്ലത്തിനും ഗുരുവായൂരിനും ഇടയിൽ ട്രെയിൻ റദ്ദാക്കി. 21ന് ഉള്ള മടക്ക ട്രെയിൻ 16328 ഗുരുവായൂർ - മധുര എക്സ്പ്രസ് ഉച്ചയ്ക്ക് 12.10നു കൊല്ലത്തുനിന്നു പുറപ്പെടും.
16366 നാഗർകോവിൽ - കോട്ടയം എക്സ്പ്രസ് 20നു ചങ്ങനാശേരിയിൽ യാത്ര അവസാനിപ്പിക്കും.
