ഓസ്ട്രേലിയ എ ക്കെതിരെയുള്ള ഏകദിന പരമ്പരയ്ക്കുള്ള ഇന്ത്യ (റെസ്റ്റ് ഓഫ് ഇന്ത്യ) ടീമിനെ പ്രഖ്യാപിച്ചു. മൂന്ന് മത്സരങ്ങളാണ് പരമ്പര ശ്രേയസ് അയ്യർ നയിക്കും. പുറംവേദനയെത്തുടർന്ന് റെഡ്-ബോൾ ക്രിക്കറ്റിൽ നിന്ന് ആറ് മാസത്തെ ഇടവേള എടുക്കാൻ തീരുമാനിച്ചതിന് പിന്നാലെയാണ് ഏകദിനത്തിന്റെ ദൗത്യം ശ്രേയസ് അയ്യരിൽ എത്തിയത്. നേരത്തെ ഓസീസ് എ ടീമിനെതിരായ രണ്ടാം ചതുർദിന ടെസ്റ്റിൽ നിന്ന് ശ്രേയസ് പിന്മാറിയിരുന്നു. കളിച്ച ആദ്യ ചതുർദിന ടെസ്റ്റിൽ ക്യാപ്റ്റനായ ശ്രേയസിന് തിളങ്ങാനുമായിരുന്നില്ല. ഏതായാലും പരിക്ക് ഭേദമായതിന് ശേഷം ശ്രേയസ് അയ്യരുടെ ആദ്യത്തെ പ്രധാന ദൗത്യമാണിത്. ഈ അവസരം താരത്തിന് ഏകദിന ഫോർമാറ്റിൽ തന്റെ കഴിവ് തെളിയിക്കാൻ സഹായകമാകും.