തിങ്കളാഴ്ച മെൽബണിൽ നടക്കുന്ന ഒരു സയണിസ വിരുദ്ധ പ്രതിഷേധം തടയാൻ ജൂത നേതാക്കൾ വിക്ടോറിയൻ സർക്കാരിനോട് ആവശ്യപ്പെടുന്നു. ആന്റി-സയണിസം ഓസ്ട്രേലിയ ഇന്ന് നഗരത്തിൽ പ്രതിഷേധിക്കാനാണ് ആദ്യം പദ്ധതിയിട്ടിരുന്നത്. പിന്നീട് തിങ്കളാഴ്ചത്തേക്ക് മാറ്റുകയായിരുന്നു.
റാലിയിൽ പങ്കെടുക്കുന്നവരെ "പോലീസ് കൈകാര്യം ചെയ്യും" എന്ന് വിക്ടോറിയൻ പ്രീമിയർ ജസീന്ത അലൻ മുന്നറിയിപ്പ് നൽകി. "ഈ റാലികളോ പ്രതിഷേധങ്ങളോ നടക്കുമെന്ന് ചിന്തിക്കാൻ പോലും കഴിയില്ല, പൂർണ്ണമായി നിർത്തുക," വിദ്യാഭ്യാസ മന്ത്രി ജേസൺ ക്ലെയർ പറഞ്ഞു. "പതിനഞ്ച് പേർ മരിച്ചു. പലും ഇപ്പോഴും ആശുപത്രിയിലാണ്. പരിക്കേറ്റ നിരവധി പേർ കൂടിയുണ്ട്. ഈ രാജ്യത്ത് ഇപ്പോൾ നമുക്ക് വേണ്ടത് സ്നേഹമാണ്, വെറുപ്പല്ല, പ്രതിഷേധമല്ല," വിദ്യാഭ്യാസ മന്ത്രി പറഞ്ഞു. പ്രതിഷേധങ്ങൾ നടക്കാതിരിക്കാൻ വിക്ടോറിയൻ സർക്കാർ അതിന്റെ കഴിവിന്റെ പരമാവധി ചെയ്യുമെന്ന് പ്രതീക്ഷിക്കുന്നതായി ക്ലെയർ പറഞ്ഞു. "ശരിയായി ചിന്തിക്കുന്ന ഏതൊരു ഓസ്ട്രേലിയക്കാരനും ഇത് തീർത്തും തെറ്റാണെന്നും ആദ്യം തന്നെ സംഭവിക്കരുതെന്നും അറിയും," അദ്ദേഹം പറഞ്ഞു. "അതിനാൽ അത് സംഭവിക്കില്ലെന്ന് ഞാൻ പ്രതീക്ഷിക്കുന്നു." - അദ്ദേഹം വ്യക്തമാക്കി.
അതേസമയം സിഡ്നിയിൽ ഈ വാരാന്ത്യത്തിൽ അനധികൃത ഒത്തുചേരലുകളിൽ പങ്കെടുക്കാൻ പദ്ധതിയിടുന്നവർക്ക് എൻഎസ്ഡബ്ല്യു പോലീസ് മുന്നറിയിപ്പുകളും നൽകിയിട്ടുണ്ട്. നഗരത്തിൽ കാര്യമായ പേലീസ് സാന്നിധ്യം ഉണ്ടാകുമെന്ന് വിക്ടോറിയ പോലീസ് പറഞ്ഞു, നിയമവിരുദ്ധമായ പെരുമാറ്റം അനുവദിക്കില്ലെന്നും വ്യക്തമാക്കി. മുൻ ഫെഡറൽ ട്രഷററും പ്രമുഖ ജൂത വിക്ടോറിയൻ ജോഷ് ഫ്രൈഡൻബർഗ് റാലിയിൽ തന്റെ അതൃപ്തി പ്രകടിപ്പിച്ചു, സർക്കാർ ഇടപെടില്ലെന്ന് ചിന്തിക്കാൻ പോലും കഴിയില്ലെന്ന് പറഞ്ഞു.