ഓസ്‌ട്രേലിയയിലെ "യൂത്ത് ഓഫ് ദി സ്ട്രീറ്റ്സ്" എന്ന ചാരിറ്റിയുടെ സ്ഥാപകനായ ഫാദർ ക്രിസ് റൈലി (70) അന്തരിച്ചു. ദീർഘനാളത്തെ അസുഖത്തെ തുടർന്ന് തന്റെ വീട്ടിൽ വച്ചാണ് അദ്ദേഹം അന്തരിച്ചത്. ഒരു റോമൻ കത്തോലിക്കാ പുരോഹിതനായിരുന്ന അദ്ദേഹം, വീടില്ലാത്തവരേയും പിന്നാക്കം നിൽക്കുന്നവരുമായ യുവാക്കളെ സഹായിക്കുന്നതിനായി തന്റെ ജീവിതം സമർപ്പിച്ചു.
1991-ൽ ഒരു ഫുഡ് വാൻ മാത്രമുപയോഗിച്ചാണ് അദ്ദേഹം തന്റെ ചാരിറ്റി ആരംഭിച്ചത്. പിന്നീട് അത് ആയിരക്കണക്കിന് യുവാക്കൾക്ക് പാർപ്പിടം, കൗൺസിലിംഗ്, സപ്പോർട്ട് നൽകുന്ന ഒരു വലിയ സംഘടനയായി വളർന്നു. 1954-ൽ ഓസ്‌ട്രേലിയയിലെ വിക്ടോറിയയിലെ എച്ചുകയിലാണ് അദ്ദേഹം ജനിച്ചത്.
രാഷ്ട്രീയക്കാർ ഉൾപ്പെടെ നിരവധി ആളുകൾ അവരുടെ ദുഃഖം പങ്കുവെക്കുകയും അദ്ദേഹത്തിന് ആദരാഞ്ജലി അർപ്പിക്കുകയും ചെയ്തു. ദരിദ്രരോടുള്ള അദ്ദേഹത്തിന്റെ അനുകമ്പയും അക്ഷീണമായ പ്രവർത്തനവും ഓർമ്മിച്ചു. ഫാദർ റൈലിക്ക് "അദ്ദേഹം സേവിച്ച രാജ്യത്തെക്കാൾ വലിയ ഒരു ഹൃദയം" ഉണ്ടായിരുന്നുവെന്നും "കഠിനമായി പ്രവർത്തിക്കുന്ന യുവാക്കൾക്ക് പ്രതീക്ഷ നൽകിയിരുന്നുവെന്നും അദ്ദേഹം ആരെയും ഒരിക്കലും കൈവിട്ടില്ലെന്നും" പ്രധാനമന്ത്രി ആന്റണി അൽബനീസ് ഫാദറിനെ ഓർമ്മിച്ചു.
ഫാദർ റൈലിയുടെ വിയോഗത്തിൽ എൻ എസ്ഡബ്ലു പ്രീമിയർ ക്രിസ് മിൻസ് അഗാധമായ ദുഃഖം രേഖപ്പെടുത്തി. ഒരു ഫുഡ് വാനിനെ അദ്ദേഹം എങ്ങനെ "പ്രതിസന്ധി ഘട്ടത്തിലുള്ള താമസസൗകര്യം, കൗൺസിലിംഗ്, മറ്റ് അനുബന്ധ സഹായ സേവനങ്ങൾ എന്നിവയുടെ ജീവൻ രക്ഷിക്കുന്ന ശൃംഖല ആക്കി മാറ്റി എന്ന് അദ്ദേഹം കാണിച്ച് തന്നതായി ക്രിസ് മിൻസ് അഭിപ്രായപ്പെട്ടു.