ടാസ്മാനിയയിൽ ഇന്ന് കനത്ത ചൂട് അനുഭവപ്പെടുമെന്ന് കാലാവസ്ഥാ നിരീക്ഷണ ബ്യൂറോ മുന്നറിയിപ്പ് നൽകി. സംസ്ഥാനത്തിന്റെ ഭൂരിഭാഗം പ്രദേശങ്ങളിലും 30 ഡിഗ്രിക്ക് മുകളിലായിരിക്കും താപനില.
ഉത്തര ടാസ്മാനിയയിൽ ഗുരുതര ഉഷ്തരംഗം നിലനിൽക്കുന്ന സാഹചര്യത്തിൽ,ഫർനോക്സ് ദ്വീപുകൾ അത്യന്തം ശക്തമായ ഉഷ്തരംഗ മുന്നറിയിപ്പ് പ്രഖ്യാപിച്ചിട്ടുണ്ട്. ലോൺസെസ്റ്റൺ, സെയിൻറ് ഹെലൻസ് എന്നിവിടങ്ങൾ ഇന്ന് 32°C വരെ ഉയരുമെന്നാണ് പ്രവചനം. ഹോബാർട്ടിൽ 28°C എത്തും.
“ഈ വർഷത്തെ വേനൽക്കാലത്തിന്റെ തുടക്കം സാധാരണയേക്കാൾ തണുപ്പായിരുന്നു. അതിനാൽ ഇപ്പോഴുള്ള ഉയർന്ന താപനിലകൾ ഉത്തര തസ്മാനിയയിൽ ഉഷ്തരംഗ മുന്നറിയിപ്പ് പ്രഖ്യാപിക്കാൻ കാരണമായി,” ബ്യൂറോ അറിയിച്ചു.
മൂന്ന് ദിവസത്തെ തുടർച്ചയായ ശരാശരിയ്ക്ക് മുകളിലെ ചൂടാണ് ഉഷ്തരംഗ ത്രെഷോൾഡ് ആയി കണക്കാക്കുന്നത്. ഈ ചൂട് വാരാന്ത്യം വരെ നീളാനാണ് സാധ്യത.
ആരോഗ്യ മുന്നറിയിപ്പ്
ആരോഗ്യവകുപ്പ് പ്രത്യേകിച്ച് അപകടസാധ്യതയുള്ളവർക്ക് മുന്നറിയിപ്പ് നൽകി:
ലളിത വസ്ത്രം ധരിക്കുക
ദാഹമില്ലെങ്കിലും നിരന്തരം വെള്ളം കുടിക്കുക
വൃദ്ധരും രോഗികളും ഒറ്റയ്ക്ക് കഴിയുന്ന അയൽവാസികളെ പരിശോധിക്കുക
ശിശുക്കൾ, മുതിർന്നവർ, ഗർഭിണികൾ, ആരോഗ്യ പ്രശ്നമുള്ളവർ എന്നിവർക്കാണ് ഗുരുതര ഉഷ്തരംഗത്തിൽ കൂടുതൽ അപകടസാധ്യത.
തണുത്തിടങ്ങളിൽ കഴിയാനും, വീട്ടിലെ ജനാലകൾ അടയ്ക്കാനും,ഫാൻ/എസി ഉപയോഗിക്കാനും നിർദേശം നൽകിയിട്ടുണ്ട്.
ഉഷ്തരംഗം ബാധിക്കുന്ന മേഖലകൾ
നോർത്ത് ഈസ്റ്റ്, ഈസ്റ്റ് കോസ്റ്റ് സെൻട്രൽ നോർത്ത്, മിഡ്ലാൻഡ്സ് സെൻട്രൽ പ്ലേറ്റു,നോർത്ത് വെസ്റ്റ് കോസ്റ്റ്, കിങ് ഐലന്ഡഡ് എന്നിവിടങ്ങളിൽ മുന്നറിയിപ്പ് പ്രാബല്യത്തിൽ.
ദക്ഷിണവും പാശ്ചാത്യവും ഭാഗങ്ങളിൽ ചെറുചാറ്റൽ ഉണ്ടാകാം. നാളെയോടെ വടക്ക്, കിഴക്ക്, പടിഞ്ഞാറ് മേഖലകളിൽ ഇടിമിന്നലോടുകൂടിയ മഴയ്ക്കും സാധ്യത.
ഈ ചൂട് വാരാന്ത്യത്തോടെ കുറഞ്ഞ് സംസ്ഥാനത്ത് ശീതളത നിലനിൽക്കും.
