ടാസ്മാനിയയിൽ ജീവൻ ഭീഷണിയിലായ അടിയന്തരാവസ്ഥകളിൽ ആംബുലൻസ് ആവശ്യപ്പെട്ടവർക്ക് നവംബറിൽ കഴിഞ്ഞ ഒരുവർഷത്തിനിടയിൽ ഏറ്റവും കൂടുതല് കാത്തിരിക്കേണ്ടി വന്നതായി പുതിയ കണക്കുകൾ വ്യക്തമാക്കുന്നു.
ആംബുലൻസ് ടാസ്മാനിയ പുറത്തുവിട്ട ഡാറ്റ അനുസരിച്ച് നവംബർ 2025-ൽ പ്രതികരണ സമയം 15.7 മിനിറ്റായി ഉയർന്നു. 2025 മെയ് മാസത്തിലെ 14.1 മിനിറ്റിൽ നിന്ന് ഇത് തുടർച്ചയായ വർധനയാണ്.
ലേബർ ഷാഡോ ഹെൽത്ത് മന്ത്രി സാറാ ലോവെൽ ഈ കണക്കുകൾ സർക്കാരിന്റെ ആംബുലൻസ് റാമ്പിംഗ് നിരോധന നയം രോഗി പരിചരണ മെച്ചപ്പെടുത്തലിൽ പരാജയപ്പെട്ടതിന്റെ തെളിവാണെന്ന് പറഞ്ഞു.
അതേസമയം, ആശുപത്രികളിൽ ആംബുലൻസ് റാമ്പിംഗ് മണിക്കൂറുകൾ കാര്യമായ കുറവ് വന്നതിനെ സർക്കാർ നയത്തിന്റെ വിജയമായി ആരോഗ്യ വകുപ്പ് ചൂണ്ടിക്കാട്ടുന്നു.
2024–25-ൽ 17,500 മണിക്കൂർ റാമ്പിംഗ് കുറച്ചതായും ഇത് 64% കുറവാണെന്നും ആരോഗ്യ മന്ത്രി ബ്രിഡ്ജറ്റ് ആർചർ നേരത്തേ വ്യക്തമാക്കിയിരുന്നു.
എന്നിരുന്നാലും, പ്രതികരണ സമയം ഉയരുന്നതിൽ മാറ്റമില്ല. നവംബർ 2024-ലെ 3,718 അടിയന്തര സംഭവങ്ങൾ നവംബർ 2025-ൽ 4,302 ആയി 16% വർധിച്ചു.
മന്ത്രിയായ ഫെലിക്സ് എലിസ് കേന്ദ്ര സർക്കാരിന്റെ അസമർത്ഥത മൂലം വയോജനപരിചരണ, ഡിസബിലിറ്റി മേഖലകളിലെ പ്രശ്നങ്ങൾ ആശുപത്രികളിലെ ബെഡ്ബ്ലോക്കിനും പ്രതികരണ സമയ വർധനയ്ക്കും കാരണമാണെന്ന് ആരോപിച്ചു.
അതേസമയം, ഈ ആരോപണം ലേബർ നിരസിച്ച് സംസ്ഥാന സർക്കാരിന്റെ ഉത്തരവാദിത്തത്തിൽ നിന്ന് മാറാനാകില്ലെന്നും വ്യക്തമാക്കി.
ഡിസംബർ പകുതിയോടെ സർക്കാർ അതിന്റെ ട്രാൻസ്ഫർ-ഓഫ്-കെയർ ലക്ഷ്യം 60 മിനിറ്റിൽ നിന്ന് 45 മിനിറ്റായി കുറച്ചു.