സിഡ്‌നി: ന്യൂസിലൻഡ് പൈലറ്റിനെ തട്ടിക്കൊണ്ടുപോയ ഇന്തോനേഷ്യയിലെ അക്രമാസക്തമായ ഒരു അർദ്ധസൈനിക ഗ്രൂപ്പിലേക്ക് തോക്കുകൾ കടത്തിയതിന് രണ്ട് ഓസ്‌ട്രേലിയക്കാർക്കെതിരെ കുറ്റം ചുമത്തി. ഓസ്‌ട്രേലിയൻ ഫെഡറൽ പോലീസ് (AFP), ASIO, ക്വീൻസ്‌ലാൻഡ് പോലീസ്, ന്യൂസിലൻഡ് പോലീസ് എന്നിവർ ഉൾപ്പെട്ട മൾട്ടി-ജൂറിസ്‌ഡിക്ഷനൽ അന്വേഷണത്തിന് ശേഷമാണ് ഇവർക്കെതിരെ കുറ്റങ്ങൾ ചുമത്തിയത്.
2023 ഫെബ്രുവരിയിൽ, ഇന്തോനേഷ്യൻ പ്രവിശ്യയായ വെസ്റ്റ് പാപ്പുവയിൽ ഒരു വിദൂര വ്യോമതാവളത്തിൽ ഇറങ്ങിയതിന് ശേഷം ന്യൂസിലൻഡ് പൈലറ്റായ ഫിലിപ്പ് മെഹർട്ടൻസിനെ തട്ടിക്കൊണ്ടുപോയി. 592 ദിവസം തടവിലാക്കിയ ശേഷം 2024 സെപ്റ്റംബറിൽ അദ്ദേഹം മോചിപ്പിക്കപ്പെട്ടു. ഈ സംഭവത്തിലാണ് ന്യൂ സൗത്ത് വെയിൽസിൽ നിന്നുള്ള 64 വയസ്സുള്ള ആളും ക്വീൻസ്‌ലാൻഡിൽ നിന്നുള്ള 44 വയസ്സുള്ള ആളുമാണ് അറസ്റ്റിലായത്. കഴിഞ്ഞ വർഷം മാർച്ച് മുതൽ ഏപ്രിൽ വരെയുള്ള കാലയളവിൽ 64 കാരനായ ഇയാൾ വിമത ഗ്രൂപ്പിലെ അംഗങ്ങളുമായി കൂടിക്കാഴ്ച നടത്താൻ വെസ്റ്റ് പാപ്പുവയിലേക്ക് പോയതായി അധികൃതർ പറയുന്നു. ഇന്തോനേഷ്യയിലേക്ക് ഒപ്റ്റിക്കൽ റൈഫിൾ സ്കോപ്പ് കൊണ്ടുവന്നതിനും ഇയാൾക്കെതിരെ കുറ്റമുണ്ട്. നവംബറിൽ നടത്തിയ തിരച്ചിലിൽ, വെടിമരുന്ന്, ആയുധ ഭാഗങ്ങൾ, 13.6 കിലോഗ്രാം മെർക്കുറി മെറ്റൽ എന്നിവ പോലീസ് ഇവരുടെ കൈവശം കണ്ടെത്തിയതായി പറയപ്പെടുന്നു. NSW സ്വദേശിക്ക് 55 വർഷം വരെ തടവ് ലഭിക്കാവുന്ന ശിക്ഷകൾ നേരിടേണ്ടിവരും. കുറ്റം തെളിഞ്ഞാൽ 11 വർഷം തടവ്. ഇരുവർക്കും ജാമ്യം ലഭിച്ചു. ഒക്ടോബർ 17 ന് ബ്രിസ്ബേൻ മജിസ്‌ട്രേറ്റ് കോടതിയിൽ ഹാജരാകണം .