സൺഷൈൻ കോസ്റ്റിലെ പെരെജിയൻ ബീച്ചിൽ സംശയാസ്പദമായ ഒരു ഉപകരണം കണ്ടെത്തി. സംശയാസ്പദമായ ഒരു ഉപകരണം തീരത്ത് അടിഞ്ഞുകൂടിയതായി കണ്ടെത്തിയതിനെത്തുടർന്ന് പോലീസ് ഈ പ്രദേശത്ത് അടിയന്തരാവസ്ഥ പ്രഖ്യാപിച്ചു. മാർട്ടിൻ സ്ട്രീറ്റ്, അവോസെറ്റ് സ്ട്രീറ്റ്, പെരെജിയൻ എസ്പ്ലനേഡ്, പാരകീറ്റ് ക്രസന്റ്, എഗ്രർ സ്ട്രീറ്റ്, ടീൽ സ്ട്രീറ്റ്, കറവോങ് ക്രസന്റ്, ഓസ്പ്രേ അവന്യൂ, ടെൺ സ്ട്രീറ്റ്, ഗാർനെറ്റ് സ്ട്രീറ്റ്, ഐബിസ് സ്ട്രീറ്റ്, പെലിക്കൻ സ്ട്രീറ്റ്, കിംഗ്ഫിഷർ ഡ്രൈവ് എന്നിവടങ്ങളിലെ പ്രദേശ വാസികളോട് വീടിനുള്ളിൽ തന്നെ തുടരാൻ ആവശ്യപ്പെട്ടു. അതേസമയം പൊതുജനങ്ങളോട് പ്രദേശം സന്ദർശിക്കുന്നത് ഒഴിവാക്കാനും നിർദ്ദേശം നൽകിയിരുന്നു.
വെള്ളിയാഴ്ച ഉച്ചയ്ക്ക് 12:30 ഓടെയാണ് സംഭവം. ആദ്യം അപകടകരമായ അലുമിനിയം ഫോസ്ഫൈഡ് കാനിസ്റ്റർ ആയിരിക്കുമെന്ന് ഭയപ്പെട്ടിരുന്ന ഉപകരണം സ്പെഷ്യലിസ്റ്റ് പോലീസും ഓസ്‌ട്രേലിയൻ ഡിഫൻസ് ഫോഴ്‌സും (എഡിഎഫ്) പരിശോധിച്ചു. പിന്നീട് ഇത് ഒരു സൈനിക ജ്വാലയാണെന്ന് സ്ഥിരീകരിച്ചു. ഉച്ചയ്ക്ക് 2:30 ഓടെ, എഡിഎഫ് നിയന്ത്രിത സ്ഫോടനം നടത്തി. 3:00 മണിയോടെ അടിയന്തരാവസ്ഥ പിൻവലിച്ചു. ഇവിടെപരിക്കുകളോ നാശനഷ്ടങ്ങളോ ഇല്ലെന്നും സമൂഹം സുരക്ഷിതരാണെന്നും അധികൃതർ സ്ഥിരീകരിച്ചു. അടിയന്തരാവസ്ഥയിൽ സഹകരിച്ചതിന് പോലീസ് താമസക്കാർക്കും ബീച്ച് സന്ദർശകർക്കും നന്ദി പറഞ്ഞു.
