ഡാർവിൻ: ഓസ്ട്രേലിയയുടെ മറ്റ് ഭാഗങ്ങളെ അപേക്ഷിച്ച് നോർത്തേൺ ടെറിട്ടറിയിൽ (NT) ആത്മഹത്യാ നിരക്കും മാനസികാരോഗ്യ പ്രശ്നങ്ങളും ക്രമാതീതമായി വർദ്ധിക്കുന്നതായി റിപ്പോർട്ട്. അടിയന്തര ചികിത്സ ആവശ്യമുള്ള ഗുരുതരാവസ്ഥയിലല്ലാത്ത, എന്നാൽ കൃത്യസമയത്ത് പിന്തുണ ലഭിക്കേണ്ടതുമായ 'മിസ്സിംഗ് മിഡിൽ' (Missing middle) വിഭാഗത്തിൽപ്പെട്ട ആളുകൾക്ക് ആവശ്യമായ മുൻകരുതൽ പരിചരണം ലഭിക്കാൻ വലിയ കാലതാമസം നേരിടുന്നുണ്ട്. ഓസ്ട്രേലിയൻ ബ്യൂറോ ഓഫ് സ്റ്റാറ്റിസ്റ്റിക്സ് കണക്കുകൾ പ്രകാരം ദേശീയ ശരാശരിയേക്കാൾ വളരെ മുകളിലാണ് നോർത്തേൺ ടെറിട്ടറിയിലെ മാനസികാരോഗ്യ വെല്ലുവിളികൾ.
ഈ പ്രതിസന്ധി മറികടക്കാൻ കമ്മ്യൂണിറ്റി അധിഷ്ഠിത സംഘടനയായ 'ടീംഹെൽത്ത്' (TeamHEALTH) പോലുള്ള സ്ഥാപനങ്ങളിലൂടെ സമാനമായ മാനസിക പ്രതിസന്ധികളെയും രോഗാവസ്ഥകളെയും അതിജീവിച്ച സാധാരണക്കാർ (Lived experience peer workers) കൗൺസിലിംഗ് രംഗത്തേക്ക് മുന്നിട്ടിറങ്ങുകയാണ്. നേരത്തെയുള്ള ഇടപെടലുകൾക്കും പ്രതിരോധ പ്രവർത്തനങ്ങൾക്കുമായി ഫെഡറൽ സർക്കാർ കൂടുതൽ ഫണ്ട് അനുവദിക്കണമെന്ന് ആരോഗ്യ വിദഗ്ദ്ധർ ആവശ്യപ്പെടുന്നു. ഗ്രാമീണ മേഖലകളിൽ ടെലിഹെൽത്ത് അടക്കമുള്ള സംവിധാനങ്ങൾ വിപുലീകരിക്കാൻ സർക്കാർ 1.1 ബില്യൺ ഡോളറിന്റെ ദേശീയ പദ്ധതിയിൽ ഉൾപ്പെടുത്തി പുതിയ കേന്ദ്രങ്ങൾ തുറക്കുന്നുണ്ടെങ്കിലും കമ്മ്യൂണിറ്റി തലത്തിലുള്ള വിപുലമായ സേവനങ്ങൾ ഇനിയും ശക്തിപ്പെടേണ്ടതുണ്ട്.
