ഓസ്‌ട്രേലിയൻ എസ്എംബികളെ പിന്തുണയ്ക്കുന്നതിനായി സ്ട്രൈപ്പ് സ്ട്രൈപ്പ് ക്യാപിറ്റൽ ആരംഭിക്കുന്നു. ചെറുകിട, ഇടത്തരം ബിസിനസുകളെ പണമൊഴുക്ക് കൈകാര്യം ചെയ്യുന്നതിനും വളർച്ചയിൽ നിക്ഷേപിക്കുന്നതിനും സഹായിക്കുക എന്നതാണ് പുതിയ ധനകാര്യ സേവനത്തിന്റെ ലക്ഷ്യം. സിഡ്‌നിയിലെ സ്ട്രൈപ്പ് ടൂറിലാണ് പ്രഖ്യാപനം നടത്തിയത്. സ്റ്റേബിൾകോയിൻ പേയ്‌മെന്റുകളിലൂടെയും AI-യിലൂടെയും ഏഷ്യൻ ബിസിനസുകളുടെ ആഗോള വളർച്ചയെ പിന്തുണയ്ക്കുന്നതിനായി സിംഗപ്പൂരിൽ സ്ട്രൈപ്പ് നിരവധി ഉൽപ്പന്ന അപ്‌ഡേറ്റുകൾ പ്രഖ്യാപിച്ചതിന് പിന്നാലെയണിത്.
സ്ട്രൈപ്പ് ക്യാപിറ്റൽ യോഗ്യരായ എസ്എംബികൾക്ക് സ്ട്രൈപ്പ് പ്ലാറ്റ്‌ഫോമിലൂടെ വേഗതയേറിയതും വഴക്കമുള്ളതുമായ ധനസഹായം നൽകും, ഇത് വളർച്ചയിൽ നിക്ഷേപിക്കാനും പണമൊഴുക്ക് കൈകാര്യം ചെയ്യാനും അവരെ പ്രാപ്തരാക്കും. സ്റ്റേബിൾകോയിനുകൾക്ക് അന്താരാഷ്ട്ര വികാസത്തെ കൂടുതൽ പിന്തുണയ്ക്കാൻ കഴിയുമെന്നാണ് പ്രതീക്ഷ. അറ്റ്ലാസിയൻ, കാൻവ, സീറോ എന്നിവയുൾപ്പെടെ ഓസ്‌ട്രേലിയയിലെയും ന്യൂസിലൻഡിലെയും നിരവധി പ്രമുഖ കമ്പനികളെ സ്ട്രൈപ്പ് പിന്തുണയ്ക്കുന്നു. ആഗോളതലത്തിൽ, കമ്പനി പ്രതിവർഷം 1.4 ട്രില്യൺ യുഎസ് ഡോളറിലധികം പേയ്‌മെന്റുകൾ പ്രോസസ്സ് ചെയ്യുന്നുണ്ട്.