ആഷസ് ക്രിക്കറ്റ് പരമ്പരയിലെ അവസാന ടെസ്റ്റിലും ഓസ്ട്രേലിയയ്ക്ക് ജയം. രണ്ടാം ഇന്നിങ്സില് ഇംഗ്ലണ്ട് ഉയര്ത്തിയ 160 റണ്സിന്റെ ലീഡ് ഓസീസ് അഞ്ച് വിക്കറ്റ് നഷ്ടത്തില് മറികടന്നു. ഇതോടെ അഞ്ച് മത്സര പരമ്പര ഓസീസ് 4- 1ന് സ്വന്തമാക്കി. മത്സരത്തിന് ശേഷം ഓസീസ് ഇതിഹാസ ബാറ്റർ ഉസ്മാൻ ഖവാജ വിരമിക്കല് പ്രഖ്യാപിച്ചു.
അതേസമയം സിഡ്നി ക്രിക്കറ്റ് ഗ്രൗണ്ടില് ഓസ്ട്രേലിയയും ഇംഗ്ലണ്ടും തമ്മിലുള്ള അവസാനത്തെ ആഷസ് ടെസ്റ്റ്, കാണികളുടെ എണ്ണത്തില് പുതിയ റെക്കോര്ഡാണ് പിറന്നത്. 1946-47 ലെ ആഷസ് ടെസ്റ്റില് സിഡ്നി ഗ്രൗണ്ടില് എത്തിയ കാണികളുടെ റെക്കോര്ഡ് ആണ് മറികടന്നത്. അന്ന് കളി കാണാന് എത്തിയത് 195,253 പേരായിരുന്നെങ്കില് ഇത്തവണ സിഡ്നി ഗ്രൗണ്ടില് ആഷസിലെ അവസാനമത്സരം കാണാന് എത്തിയത് 211,032 പേരാണ്.