ഇന്തോനേഷ്യയിലെ മൗണ്ട് സെമെറു അഗ്നിപർവ്വതം പൊട്ടിത്തെറിച്ചതിനെ തുടർന്ന് വിമാന യാത്രയിൽ കാലതാമസം ഉണ്ടാകാന് സാധ്യതയുണ്ടെന്ന് ഓസ്ട്രേലിയയ വിമാനയാത്രക്കാർക്ക് മുന്നറിയിപ്പു നൽകി. ഇന്തോനേഷ്യയിലെ പ്രധാന ദ്വീപായ ജാവയിൽ വ്യാഴാഴ്ചയുണ്ടായ അഗ്നിപർവ്വത സ്ഫോടനത്തെത്തുടർന്ന് സാധ്യമായ വിമാന കാലതാമസത്തിന് തയ്യാറാകണമെന്ന് ഓസ്ട്രേലിയക്കാരോട് ആവശ്യപ്പെട്ടു.
ബാലി നഗരത്തിൽ നിന്ന് ഏകദേശം മൂന്ന് മണിക്കൂർ പടിഞ്ഞാറായി സ്ഥിതിചെയ്യുന്ന കിഴക്കൻ ജാവയിലെ മൗണ്ട് സെമെറു ബുധനാഴ്ച ഉച്ചയ്ക്ക് 2.13-ന് പൊട്ടിത്തെറിക്കുകയായിരുന്നു. ചാരവും വാതകവും കിലോമീറ്ററുകളോളം ഉയർന്ന് പടർന്നു, അതോടെ അതീവ ജാഗ്രതാ നിലയിലേക്ക് മുന്നറിയിപ്പ് ഉയർത്തി.
സ്ഫോടനത്തിൽ പുറന്തള്ളപ്പെട്ട പാറകളിൽ ഇടിക്കാനുള്ള സാധ്യതയുള്ളതിനാൽ, മൗണ്ട് സെമെരുവിന്റെ ഗർത്തത്തിന്റെയോ കൊടുമുടിയുടെയോ 8 കിലോമീറ്റർ ചുറ്റളവിൽ പൊതുജനങ്ങള് പ്രവേശിക്കരുതെന്ന് ഇന്തോനേഷ്യൻ ജിയോളജിക്കൽ ഏജൻസി ഫോർവേഡ് മുഹമ്മദ് വാഫിദ് നിർദ്ദേശിച്ചു. , അഗ്നിപർവ്വതത്തിന് സമീപം താമസിക്കുന്ന 300-ലധികം ആളുകളെ താൽക്കാലിക ക്യാമ്പുകളിലേക്ക് മാറ്റി. ഇതുവരെ മരണം റിപ്പോർട്ട് ചെയ്തിട്ടില്ല. മൗണ്ട് സെമെറുവിലെ സീസ്മിക് പ്രവർത്തനം ഇപ്പോഴും ഉയർന്ന നിലയിലാണ്.
ബാലിയിലെ നുറാഹ് റായി വിമാനത്താവള അധികൃതർ വിമാന സർവീസുകൾ സാധാരണ നിലയിലാണെന്ന് അറിയിച്ചു.
ഓസ്ട്രേലിയൻ കാലാവസ്ഥാ വകുപ്പും റെഡ് വ്യോമയാന മുന്നറിയിപ്പ് പുറപ്പെടുവിച്ചു. ഡെൻപസാർ–ഓസ്ട്രേലിയ യാത്രാമാർഗങ്ങളിൽ ഇതുവരെ വിമാനങ്ങൾ റദ്ദാക്കിയിട്ടില്ല. എന്നാൽ യാത്രക്കാർ അപ്ഡേറ്റുകൾ പരിശോധിക്കണമെന്ന് നിർദ്ദേശിച്ചിട്ടുണ്ട്.
ബ്രിസ്ബേനിൽ നിന്ന് ഡെൻപസാറിലേക്ക് പോകുന്ന വേർജിൻ ഓസ്ട്രേലിയയുടെ VA45 വിമാനം ഏകദേശം ഒരു മണിക്കൂർ വൈകിയാണ് പുറപ്പെടുന്നത് രാവിലെ . 9.40ന് പുറപ്പെടേണ്ടതായിരുന്ന വിമാനം 10.40 ലേക്കാണ് മാറ്റിയത്.
ബാലിയിലേക്കും ബാലിയിൽ നിന്ന് തിരിച്ചുമുള്ള സർവീസുകൾ നിലവിൽ സാധാരണപോലെ പ്രവർത്തിച്ചുകൊണ്ടിരിക്കുന്നതായി ജെറ്റ്സ്റ്റാർ വക്താവ് അറിയിച്ചു.
അതേസമയം, അതേസമയം, ക്വാണ്ടാസ് അതിന്റെ ഫ്ലൈറ്റ് ഷെഡ്യൂളിൽ മാറ്റം പ്രതീക്ഷിക്കുന്നില്ലെഹ്കിലും അപ്ഡേറ്റുകൾക്കായി യാത്രക്കാരോട് അതിന്റെ വെബ്സൈറ്റ് നിരീക്ഷിക്കാൻ അത് ആവശ്യപ്പെട്ടിട്ടുണ്ട്.
