തെക്കൻ ടാസ്മാനിയയിൽ വീശിയടിച്ച ശക്തമായ കാറ്റിൽ ഹൊബാർട്ട് ഷോപ്പിംഗ് സെന്ററിലെ ഷെയ്ഡ് സ്ട്രച്ചർ (കാർപാർക്ക് റൂഫ് സെയിൽ തുണി) തകർന്ന് വീണ് നിരവധി വാഹനങ്ങളിൽ ഇടിച്ചുകയറി. ശക്തമായ കാറ്റിൽ വലിയ ഷെയ്ഡ് സ്ട്രച്ചർ തകർന്നതിനെത്തുടർന്ന് ഉച്ചയോടെ ഹൗറയിലെ ഗ്ലെബ് ഹിൽ വില്ലേജിലേക്ക് അടിയന്തര സേവനങ്ങൾ എത്തി. സംഭവത്തിൽ ആർക്കും പരിക്കേറ്റിട്ടില്ലെന്നും നിരവധി വാഹനങ്ങൾക്ക് ചെറിയ കേടുപാടുകൾ സംഭവിച്ചിട്ടുണ്ടെങ്കിലും ടാസ്മാനിയ പോലീസ് വക്താവ് പറഞ്ഞു. TFS ഉം SES ഉം ജീവനക്കാർ കയറുകൾ ഉപയോഗിച്ച് സെയിൽ തുണി സുരക്ഷിതമാക്കി, പൊതുജന സുരക്ഷ ഉറപ്പാക്കാൻ പോലീസ് സ്ഥലത്തുണ്ടെന്ന് വക്താവ് വ്യക്തമാക്കി. അതേസമയം കാർ പാർക്കിംഗിന് മുകളിലൂടെ സെയിൽ തുണി ഉയർന്നുപൊങ്ങി ഏകദേശം എട്ട് വാഹനങ്ങൾക്ക് മുകളിൽ ഇടിച്ചു കയറിയതായി ഷോപ്പർമാർ പറഞ്ഞു.
രാവിലെ 11:36 ന് ഹൊബാർട്ടിൽ മണിക്കൂറിൽ 95 കിലോമീറ്റർ വേഗതയിൽ കാറ്റ് വീശി. കുനാനി/മൗണ്ട് വെല്ലിംഗ്ടണിൽ ഏകദേശം അതേ സമയം മണിക്കൂറിൽ 117 കിലോമീറ്റർ വേഗതയിൽ കാറ്റ് വീശിയതായി റിപ്പോർട്ടുണ്ട്. ഗ്ലെബ് ഹിൽ സംഭവം നടന്നതിന് തൊട്ടുപിന്നാലെ, ഉച്ചയ്ക്ക് 12:52 ന് ഹൊബാർട്ട് വിമാനത്താവളത്തിൽ മണിക്കൂറിൽ 80 കിലോമീറ്റർ വേഗതയിൽ കാറ്റ് വീശി. നഗരത്തിന്റെ മറ്റ് ഭാഗങ്ങളെയും ശക്തമായ കാറ്റ് വീശി. ആർഗൈൽ സ്ട്രീറ്റ് കാർ പാർക്കിന് മുകളിലുള്ള വെല്ലിംഗ്ടൺ ക്ലിനിക്കുകളുടെ മേൽക്കൂര കാറ്റിൽ പറന്നുയരുന്നത് കാണിക്കുന്ന ദൃശ്യങ്ങൾ പുറത്തുവന്നു. അതേസയം കാറ്റുള്ള കാലാവസ്ഥ തുടരുന്നതിനാൽ, താമസക്കാർ അവരുടെ വീടുകൾക്ക് ചുറ്റും അയഞ്ഞ വസ്തുക്കൾ സുരക്ഷിതമായി സൂക്ഷിക്കണമെന്ന് അടിയന്തര സേവനങ്ങൾ നിർദ്ദേശിക്കുന്നു.