നവംബർ 3-ന് ഷെപ്പാർട്ടണിലെ റിവർലിങ്ക്സ് ഈസ്റ്റ്ബാങ്കിൽ ഷെപ്പാർട്ടൺ മലയാളി അസോസിയേഷൻ (SHEMA) വിജയകരമായി വിധു പ്രതാപ് ലൈവ് മ്യൂസിക്കൽ ഷോ 2K25 സംഘടിപ്പിച്ചു. ഷോയിൽ 600-ലധികം പേർ പങ്കെടുത്തു. രണ്ടര മണിക്കൂർ നീണ്ടുനിന്ന സംഗീതാർദ്രമായ പരിപാടിയിലൂടെ വിധു പ്രതാപും സംഘവും കാണികളെ കൈയ്യിലെടുത്തു.
SHEMA പ്രസിഡന്റ് ജിജോ ഫിലിപ്പും സെക്രട്ടറി ശിൽപ അനീഷും സമൂഹത്തിന്റെ വമ്പിച്ച പിന്തുണയ്ക്ക് ഹൃദയംഗമമായ നന്ദി രേഖപ്പെടുത്തി. ഈ വർഷം റിവർലിങ്ക്സ് വേദിയിൽ SHEMAയുടെ രണ്ടാമത്തെ പ്രധാന പരിപാടിയാണിതെന്നും ഇത് സാധ്യമായത് പ്രാദേശിക സമൂഹത്തിന്റെ ആവേശകരമായ പങ്കാളിത്തത്തിലൂടെയും സ്പോൺസർമാരുടെ ഉദാരമായ പിന്തുണയിലൂടെയുമാണെന്നും അവർ പറഞ്ഞു. പരിപാടിയുടെ ടൈറ്റിൽ സ്പോൺസർ ആയ ഐക്കണിക് ഇൻവെസ്റ്റിംഗിന്റെ പങ്ക് ഷോ വൻ വിജയമാക്കുന്നതിൽ നിർണായകമായിരുന്നു.