ഒക്ടോബർ 10 മുതൽ കാണാതായ മിഷേൽ ലീഹി എന്ന 50 വയസ്സുള്ള സ്ത്രീയെ പെർത്തിൽ പോലീസ് തിരയുന്നു. മൂന്ന് കുട്ടികളുടെ അമ്മയായ മിഷേൽ ലീഹിയെ അവസാനമായി കണ്ടത് ഒക്ടോബർ 16 വ്യാഴാഴ്ച ഉച്ചകഴിഞ്ഞ് 3 മണിയോടെ നെഡ്‌ലാൻഡ്‌സിലെ പെർത്തിലെ പ്രാന്തപ്രദേശത്താണ്. ലിയഹി കാണാതായ സമയം ധരിച്ചിരുന്നത് ഒരു വെളുത്ത ടോപ്പും, നീല പാറ്റേൺ ചെയ്ത പാന്റും, കറുത്ത തൊപ്പിയുമാണ്. ഏകദേശം 175 സെന്റീമീറ്റർ ഉയരവും, ഇടത്തരം ശരീരവും, തവിട്ട് നിറമുള്ള മുടിയും നീലക്കണ്ണുകളുമാണ് ഇവർക്കുള്ളത്. അതേസമയം മിഷേലിന്റെ നീക്കങ്ങൾ ട്രാക്ക് ചെയ്യുന്നതിനായി പോലീസ് ഇപ്പോൾ വിവിധ പ്രദേശങ്ങളിൽ നിന്നുള്ള സിസിടിവി ദൃശ്യങ്ങൾ പരിശോധിച്ചുകൊണ്ടിരിക്കുകയാണ്. കിംഗ്സ് പാർക്ക് പ്രദേശത്ത് തിരച്ചിൽ നടത്താൻ വെള്ളിയാഴ്ച പോലീസ് എയർവിംഗ് ഡ്രോണും ഉപയോഗിച്ചു. മിഷേലിനെ കണ്ടവരോ അവർ എവിടെയാണെന്ന് അറിയാവുന്നവരോ എന്തെങ്കിലും വിവരമുള്ളവരോ 1800 333 000 എന്ന നമ്പറിൽ പോലീസിനെയോ ക്രൈം സ്റ്റോപ്പേഴ്‌സിനെയോ ബന്ധപ്പെടണമെന്ന് അഭ്യർത്ഥിക്കുന്നു.