പെർത്ത്: വെസ്റ്റേൺ ഓസ്ട്രേലിയയിലെ ആരോഗ്യ മേഖലയിലെ സമ്മർദം കുറയ്ക്കാൻ ആർട്ടിഫിഷ്യൽ ഇന്റലിജൻസ് സാങ്കേതികവിദ്യയെ ആശ്രയിച്ച് പുതിയ പരീക്ഷണം ആരംഭിക്കുന്നു. റോയൽ പെർത്ത് ഹോസ്പിറ്റലിൽ എഐ ഉപയോഗിച്ച് രോഗികളുടെ പ്രവേശന-മാറ്റ പ്രക്രിയ വേഗത്തിലാക്കുന്നതിനാണ് ഈ പുതിയ പൈലറ്റ് പദ്ധതി ആരംഭിച്ചിരിക്കുന്നത്.
കഴിഞ്ഞ സാമ്പത്തിക വർഷത്തെ കണക്കുകൾ പ്രകാരം, രാജ്യത്തെ ഏറ്റവും മോശം വെസ്റ്റേൺ ഓസ്ട്രേലിയയിലെ അടിയന്തര വിഭാഗ കാത്തിരിപ്പ് സമയമാണെന്ന് പുതിയ ഡാറ്റ സൂചിപ്പിക്കുന്നു. ശരാശരി 44 മിനിറ്റ് വരെ രോഗികൾക്ക് ഇവിടെ കാത്തിരിക്കേണ്ടി വന്നു . ദേശീയ ശരാശരിയായ 18 മിനിറ്റിന്റെ ഇരട്ടിയിലധികമാണിത്. ശുപാർശ ചെയ്ത സമയപരിധിക്കുള്ളിൽ ചികിത്സ ലഭിച്ചവർ 46 ശതമാനം മാത്രമാണ്, ദേശീയ ശരാശരി 67 ശതമാനവുമായി താരതമ്യപ്പെടുത്തുമ്പോൾ വളരെ താഴ്ന്നതാണിത്.
രോഗികളുടെ ഒഴുക്ക് സുതാര്യമാക്കാനും ആശുപത്രി കിടക്കകൾ ഒഴിവാക്കാനും, റോയൽ പെർത്ത് ആശുപത്രിയിൽ എഐ ഉപയോഗിക്കുന്നതിന് ഫണ്ടിങ് നൽകുന്നതായി ആരോഗ്യ മന്ത്രി മെറഡിത്ത് ഹമ്മറ്റ് ഒരു ബിസിനസ് മീറ്റിംഗിൽ അറിയിച്ചു.
ആശുപത്രിയിൽ എത്തുന്ന നിമിഷം മുതൽ തന്നെ AI “forecast options” ഒരുക്കാനും “predictive insights” നൽകാനും സഹായിക്കും. "മെഡിക്കൽ ഇമേജിംഗ്, ലബോറട്ടറി പരിശോധനകൾ, ഫാർമസി മരുന്നുകളുടെ പായ്ക്കുകൾ, ഡിസ്ചാർജ് സമ്മറി തയ്യാറാക്കൽ തുടങ്ങിയ പ്രധാനപ്പെട്ട ജോലികൾ ഷെഡ്യൂൾ ചെയ്യാൻ ആരോഗ്യ പ്രവർത്തകരെ ഇത് സഹായിക്കും," ഹമ്മത് പറഞ്ഞു.
"രോഗികളുടെ എണ്ണവും ആശുപത്രി കിടക്കകളുടെ ലഭ്യതയും മെച്ചപ്പെടുത്തുന്നതിനാണ് പൈലറ്റ് പദ്ധതി രൂപകൽപ്പന ചെയ്തിരിക്കുന്നത്, പ്രത്യേകിച്ച് ശൈത്യകാലത്ത്, രോഗികളുടെ എണ്ണവും ആശുപത്രി കിടക്കകളുടെ ലഭ്യതയും മെച്ചപ്പെടുത്തുന്നതിനാണ് ഇത്. എഐ രോഗി പരിചരണത്തിൽ നേരിട്ട് ഇടപെടുകയല്ല; അത് ആരോഗ്യ പ്രവർത്തകരുടെ നിർണ്ണായക ഉത്തരവാദിത്തമായി തുടരും. എഐ ഉപയോഗിക്കുന്നത് രോഗികളെ ആശുപത്രിയിലൂടെ വേഗത്തിൽ മുന്നോട്ട് കൊണ്ടുപോകാനായിരിക്കും.