ഹോബാർട്ട്: സംസ്ഥാനത്തെ പഴക്കമേറിയ വൈദ്യുത ശൃംഖലയും അനുബന്ധ അടിസ്ഥാനസൗകര്യങ്ങളും ആധുനികവത്കരിക്കുന്നതിന്റെ ഭാഗമായി വൻതോതിൽ അപ്രന്റീസുകളെ നിയമിക്കാനൊരുങ്ങി ടാസ്മാനിയയിലെ പ്രമുഖ വൈദ്യുതി വിതരണ കമ്പനിയായ ടാസ്നെറ്റ്വർക്സ് (TasNetworks). 2027-ലെ ബാച്ചിലേക്കുള്ള അപേക്ഷകൾ സ്വീകരിച്ചു തുടങ്ങി. ഓഗസ്റ്റ് 31 വരെ ഉദ്യോഗാർത്ഥികൾക്ക് അപേക്ഷിക്കാവുന്നതാണ്.
1950-നും 1980-നും ഇടയിൽ നിർമ്മിച്ച ടാസ്മാനിയയിലെ പ്രധാന വൈദ്യുത ശൃംഖലകൾ കാലാവധി പൂർത്തിയാക്കുന്ന സാഹചര്യത്തിലാണ് കമ്പനി നവീകരണ പ്രവർത്തനങ്ങൾ ശക്തമാക്കുന്നത്. കഠിനമായ പ്രകൃതിദുരന്തങ്ങൾ, കാട്ടുതീ, പ്രളയം എന്നിവയെ പ്രതിരോധിക്കാൻ തക്കവണ്ണം വൈദ്യുത ലൈനുകളും പവർ ഗ്രിഡുകളും ശക്തിപ്പെടുത്തുകയാണ് ലക്ഷ്യം. ഒമ്പത് ദിവസത്തെ വർക്കിംഗ് പ്രവൃത്തിദിനങ്ങളും പഠനത്തോടൊപ്പം മികച്ച വേതനവും പരിശീലനവും നൽകുന്നതാണ് പദ്ധതി. മികച്ച തൊഴിൽ അന്തരീക്ഷവും അപ്രന്റീസ്ഷിപ്പ് പരിശീലനവും നൽകുന്ന മികച്ച സ്ഥാപനത്തിനുള്ള 2025-ലെ ഓസ്ട്രേലിയൻ ട്രെയിനിംഗ് അവാർഡ് ടാസ്നെറ്റ്വർക്സ് കരസ്ഥമാക്കിയിരുന്നു.