ഹൊബാർട്ട്: തസ്മാനിയയുടെ വടക്കും പടിഞ്ഞാറും തീരപ്രദേശങ്ങളിലായി ഇന്ന് മണിക്കൂറിൽ 125 കിലോമീറ്റർ വരെ വേഗതയുള്ള കാറ്റുകൾ വീശാമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.ബ്യൂറോ ഓഫ് മെറ്റീരിയോളജിയുടെ പ്രവചനമനുസരിച്ച് വ്യാപകമായ മഴ, ഇടിമിന്നൽ, കാറ്റ് എന്നിവ ഇന്ന് വെള്ളിയാഴ്ച സംസ്ഥാനത്ത് അനുഭവപ്പെടും.
വെള്ളിയാഴ്ച വരുന്ന കാറ്റ് ഈ വസന്തകാലത്തും ശീതകാലത്തും ഇതുവരെ കണ്ടതിൽ ഏറ്റവും ശക്തമായവയായിരിക്കും," സീനിയർ മെറ്റിയറോളജിസ്റ്റ് അലക്സ് മെലിറ്റ്സിസ് പറഞ്ഞു.ഡെവൻപോർട്ട്, ബേർണി, ലോൻസെസ്റ്റൺ, സെന്റ് ഹെലൻസ്, സ്വാൻസി, സ്റ്റ്രാഹാൻ, ന്യൂ നോർഫോക്, ഹോബാർട്ട് എന്നിവിടങ്ങളിലെ താമസക്കാരോട് വീടുകൾ ചുറ്റുമുള്ള ഇളകിയ വസ്തുക്കൾ ഉറപ്പിച്ചുവയ്ക്കുവാനും തയ്യാറായിരിക്കുവാനും നിർദേശം നല്കിയിട്ടുണ്ട്.
ഇത്തരം ശക്തമായ കാറ്റുകൾ അപൂർവമാണെങ്കിലും ടാസ്മാനിയയിൽ വസന്തകാലത്ത് ചില ദിവസങ്ങളിൽ ശക്തമായ കാറ്റുകൾ സാധാരണമാണെന്ന് കാലാവസ്ഥാ ബ്യൂറോ അറിയിച്ചിട്ടുണ്ട്. ഇതിനൊപ്പം, മീന്ഡർ, നോർത്ത് എസ്ക്, ഡെർവെന്റ് നദികളിൽ ചെറിയ തോതിലുള്ള പ്രളയ മുന്നറിയിപ്പും നിലനിൽക്കുന്നു.
"വസന്തകാലത്ത് സംസ്ഥാനത്തുടനീളം മണിക്കൂറിൽ 100 കിലോമീറ്റർ വേഗതയിൽ കാറ്റ് വീശുന്നത് നമുക്ക് പലപ്പോഴും കാണാൻ കഴിയും, അതിനാൽ ഇത് പ്രത്യേകിച്ച് അസാധാരണമല്ല; എന്നിരുന്നാലും, വിനാശകരമായ കാറ്റ് വളരെ അപൂർവമാണ്," മെലിറ്റ്സിസ് പറഞ്ഞു. ധാരാളം മരങ്ങൾ വീഴും, അടിസ്ഥാന സൗകര്യങ്ങൾക്ക് കൂടുതൽ നാശനഷ്ടങ്ങൾ സംഭവിക്കും, വൈദ്യുതി തടസ്സങ്ങൾ വർദ്ധിക്കും തുടങ്ങിയവ വെള്ളിയാഴ്ച പ്രതീക്ഷിക്കാം.
വെള്ളിയാഴ്ച വൈകുന്നേരത്തോടെ സ്ഥിതിഗതികൾ ക്രമേണ കുറയുമെന്ന് പ്രതീക്ഷിച്ചിരുന്നെങ്കിലും കാറ്റ് തുടരുമെന്ന് ബ്യൂറോ പറഞ്ഞു. കാലാവസ്ഥാ മുന്നറിയിപ്പുകൾ അറിഞ്ഞിരിക്കാനും, എബിസി ലോക്കൽ റേഡിയോ കേൾക്കാനും, അടിയന്തര സഹായത്തിനായി 132 500 എന്ന നമ്പറിൽ എസ്ഇഎസിനെ ബന്ധപ്പെടാനും ടാസ്മാനിയക്കാരോട് അധികൃതർ ആവശ്യപ്പെട്ടിട്ടുണ്ട്.