സൗത്ത് ഓസ്‌ട്രേലിയയിലെ ഔട്‌ബാക്കിൽ കാണാതായ "ഗസ്" എന്നറിയപ്പെടുന്ന നാല് വയസ്സുള്ള ആഗസ്റ്റിൻ്റെ ചിത്രം ആദ്യമായി പോലീസ് പുറത്തുവിട്ടു. ഗസിന്റെ ചിത്രം മാധ്യമങ്ങളുമായി പങ്കിടാൻ അദ്ദേഹത്തിന്റെ കുടുംബം മുമ്പ് വിസമ്മതിച്ചിരുന്നു. ശനിയാഴ്ച വൈകുന്നേരം 5 മണിയോടെയാണ് കുട്ടിയെ അവസാനമായി വീട്ടുവളപ്പിൽ കണ്ടത്. സുന്ദരമായ ചുരുണ്ട മുടിയും ചാരനിറത്തിലുള്ള സൺ തൊപ്പിയും, കൊബാൾട്ട് നീല മിനിയൻസ് ടീ-ഷർട്ടും, ഇളം ചാരനിറത്തിലുള്ള പാന്റും, ബൂട്ടും ഗസ് ധരിച്ചിരുന്നു. ഇന്നലെ ഗസിന്റെ ബൂട്ടുകളുമായി സാമ്യമുള്ള ഒരു ചെറിയ കാൽപ്പാട്, വീട്ടുവളപ്പിൽ നിന്ന് ഏകദേശം 500 മീറ്റർ അകലെയായി കണ്ടെത്തിയിരുന്നു.
ഓസ്‌ട്രേലിയൻ പ്രതിരോധ സേനയിൽ നിന്നുള്ള 48 പേരടങ്ങുന്ന ഒരു സംഘം ഇന്ന് രാവിലെ 8 മണിക്ക് തിരച്ചിൽ മേഖലയിലേക്ക് വിന്യസിച്ചിരുന്നു.മൗണ്ടഡ്, വാട്ടർ പോലീസ്, ഡോഗ് പോലീസ്, പോൾ എയർ, പോലീസ് കേഡറ്റുകൾ, എസ്ഇഎസ് വളണ്ടിയർ, ഡ്രോണുകൾ, ഒരു തദ്ദേശീയ ട്രാക്കർ, സമൂഹവും കുടുംബാംഗങ്ങളും ഉൾപ്പെടെ എല്ലാവരും ഗസിനായുള്ള അന്വേഷണത്തിലാണ്. അതേസമയം ഗസിനെ കുറിച്ച് എന്തെങ്കിലും വിവരം ആർക്കെങ്കിലും ലഭിക്കുകയാണെങ്കിൽ1800 333 000 എന്ന നമ്പറിൽ ക്രൈം സ്റ്റോപ്പേഴ്‌സുമായി ബന്ധപ്പെടാൻ അഭ്യർത്ഥിക്കുന്നു.