ഇന്ന് നടക്കുന്ന പലസ്തീൻ അനുകൂല മാർച്ചിന്റെ ഭാഗമായി ആയിരക്കണക്കിന് ആളുകൾ സിഡ്‌നി ഹാർബർ പാലത്തിലൂടെ നടക്കുമെന്ന് പ്രതീക്ഷിക്കുന്നു. അതിനാൽ പാലത്തിലൂടെയുള്ള ഗതാഗതം മണിക്കൂറുകളോളം അടച്ചിടും. അതേസമയം സിഡ്‌നി ഹാർബർ പാലത്തിലൂടെയുള്ള മാർച്ചിൽ നിയമവിരുദ്ധവും സാമൂഹിക വിരുദ്ധവുമായ പെരുമാറ്റങ്ങൾ സംഭവിച്ചാൽ അതിനെതിരെ കർശന നടപടി സ്വീകരിക്കുമെന്ന് പോലീസ് മുന്നറിയിപ്പ് നൽകി. യുദ്ധവിരുദ്ധ പ്രതിഷേധം തടയാനുള്ള നീക്കം സുപ്രീം കോടതി നിരസിച്ചതിനെത്തുടർന്ന് ഞായറാഴ്ച പതിനായിരക്കണക്കിന് പലസ്തീൻ അനുകൂല പ്രതിഷേധക്കാർ ലാൻഡ്‌മാർക്കിലൂടെ ഒഴുകിയെത്തുമെന്നാണ് പ്രതീക്ഷ.
എന്നാൽ "നിയമവിരുദ്ധമായ പെരുമാറ്റം" അനുവദിക്കില്ലെന്ന് NSW പോലീസ് മുന്നറിയിപ്പ് നൽകിയിട്ടുണ്ട്. കൂടാതെ നൂറുകണക്കിന് ഉദ്യോഗസ്ഥരെ വിന്യസിക്കും. സമൂഹത്തിന്റെ സുരക്ഷയ്ക്കായിട്ടാണ് വിന്യസിച്ചിരിക്കുന്നതെന്ന് സെൻട്രൽ മെട്രോപൊളിറ്റൻ റീജിയൻ കമാൻഡർ, ആക്ടിംഗ് അസിസ്റ്റന്റ് കമ്മീഷണർ ആദം ജോൺസൺ പറഞ്ഞു. എൻ‌എസ്‌ഡബ്ല്യു പോലീസിന്റെ പ്രഥമവും പരമവുമായ മുൻഗണന എപ്പോഴും പ്രതിഷേധിക്കുന്നവരുടെയും പ്രതിഷേധത്താൽ ബാധിക്കപ്പെട്ടേക്കാവുന്ന മറ്റ് പൊതുജനങ്ങളുടെയും പ്രവർത്തനത്തിൽ ഉൾപ്പെട്ടിരിക്കുന്ന ഉദ്യോഗസ്ഥരുടെയും സുരക്ഷയാണെന്ന് ജോൺസൺ പറഞ്ഞു.
ഉച്ചയ്ക്ക് ഒരു മണിക്ക് സിഡ്‌നി സിബിഡിയിലെ ലാങ് പാർക്കിൽ പ്രതിഷേധക്കാർ ഒത്തുകൂടും. ഉച്ചയ്ക്ക് 1.30 ന് യോർക്ക്, ഗ്രോസ്‌വെനർ തെരുവുകളിൽ നിന്ന് ആരംഭിച്ച് പ്രതിഷേധക്കാർ പാലത്തിലേക്ക് കയറുകയും തുടർന്ന് ബ്രാഡ്‌ഫീൽഡ് പാർക്കിലെ പാലത്തിന്റെ വടക്കുവശത്ത് അവസാനിക്കുകയും ചെയ്യുമെന്ന് റാലി സംഘാടകരായ പലസ്തീൻ ആക്ഷൻ ഗ്രൂപ്പ് പറഞ്ഞു.