ഓസ്ട്രേലിയൻ സ്പ്രിന്റിംഗ് താരം ഗൗട്ട് ഗൗട്ട് (18) പരിശീലനത്തിനിടെ ഹാംസ്ട്രിംഗ് പരിക്കേറ്റതിനെ തുടർന്ന് അടുത്ത മാസം അമേരിക്കയിലെ യൂജീനിൽ നടക്കുന്ന ലോക അണ്ടർ-20 അത്ലറ്റിക്സ് ചാമ്പ്യൻഷിപ്പിൽ നിന്ന് പിന്മാറി. ഇൻസ്റ്റഗ്രാമിലൂടെ വിവരം പങ്കുവെച്ച ഗൗട്ട്, ഇടത് ഹാംസ്ട്രിംഗിൽ ഭാഗിക കീറലും ടെൻഡണിന് കേടുപാടും സംഭവിച്ചതായി എംആർഐ പരിശോധനയിൽ സ്ഥിരീകരിച്ചതായി അറിയിച്ചു. പരിക്ക് കാരണം 2026 സീസണിന്റെ ശേഷിക്കുന്ന മത്സരങ്ങളും നഷ്ടമാകുമെന്നാണ് റിപ്പോർട്ട്. ഇനി പുനരധിവാസത്തിലാണ് ശ്രദ്ധ കേന്ദ്രീകരിക്കുന്നതെന്നും 2027-ൽ കൂടുതൽ ശക്തനായി തിരിച്ചെത്തുമെന്നും ഗൗട്ട് വ്യക്തമാക്കി.